మంత్రాలు & శ్లోకాలు | శ్రీ దుర్గా భవాని
నవదుర్గా స్తోత్రం
శైలపుత్రీ –
వందే వాంఛితలాభాయ చంద్రార్ధకృతశేఖరామ్ |
వృషారూఢాం శూలధరాం శైలపుత్రీం యశస్వినీమ్ || ౧ ||
బ్రహ్మచారిణీ –
దధానా కరపద్మాభ్యామక్షమాలా కమండలూ |
దేవీ ప్రసీదతు మయి బ్రహ్మచారిణ్యనుత్తమా || ౨ ||
చంద్రఘంటా –
పిండజప్రవరారూఢా చండకోపాస్త్రకైర్యుతా |
ప్రసాదం తనుతే మహ్యం చంద్రఘంటేతి విశ్రుతా || ౩ ||
కూష్మాండా –
సురాసంపూర్ణకలశం రుధిరాప్లుతమేవ చ |
దధానా హస్తపద్మాభ్యాం కూష్మాండా శుభదాస్తు మే || ౪ ||
స్కందమాతా –
సింహాసనగతా నిత్యం పద్మాశ్రితకరద్వయా |
శుభదాస్తు సదా దేవీ స్కందమాతా యశస్వినీ || ౫ ||
కాత్యాయనీ –
చంద్రహాసోజ్జ్వలకరా శార్దూలవరవాహనా |
కాత్యాయనీ శుభం దద్యాద్దేవీ దానవఘాతినీ || ౬ ||
కాలరాత్రీ –
ఏకవేణీ జపాకర్ణపూర నగ్నా ఖరాస్థితా |
లంబోష్ఠీ కర్ణికాకర్ణీ తైలాభ్యక్తశరీరిణీ ||
వామపాదోల్లసల్లోహలతాకంటకభూషణా |
వర్ధన్మూర్ధధ్వజా కృష్ణా కాలరాత్రిర్భయంకరీ || ౭ ||
మహాగౌరీ –
శ్వేతే వృషే సమారూఢా శ్వేతాంబరధరా శుచిః |
మహాగౌరీ శుభం దద్యాన్మహాదేవప్రమోదదా || ౮ ||
సిద్ధిదాత్రీ –
సిద్ధగంధర్వయక్షాద్యైరసురైరమరైరపి |
సేవ్యమానా సదా భూయాత్ సిద్ధిదా సిద్ధిదాయినీ || ౯ ||
ఇతి నవదుర్గా స్తోత్రమ్ |
మంత్రాలు & శ్లోకాలు | శ్రీ దుర్గా భవాని
Navadurga stotram
śailaputrī –
vandē vāñchitalābhāya candrārdhakr̥taśēkharām |
vr̥ṣārūḍhāṁ śūladharāṁ śailaputrīṁ yaśasvinīm || 1 ||
brahmacāriṇī –
dadhānā karapadmābhyāmakṣamālā kamaṇḍalū |
dēvī prasīdatu mayi brahmacāriṇyanuttamā || 2 ||
candraghaṇṭā –
piṇḍajapravarārūḍhā caṇḍakōpāstrakairyutā |
prasādaṁ tanutē mahyaṁ candraghaṇṭēti viśrutā || 3 ||
kūṣmāṇḍā –
surāsampūrṇakalaśaṁ rudhirāplutamēva ca |
dadhānā hastapadmābhyāṁ kūṣmāṇḍā śubhadāstu mē || 4 ||
skandamātā –
siṁhāsanagatā nityaṁ padmāśritakaradvayā |
śubhadāstu sadā dēvī skandamātā yaśasvinī || 5 ||
kātyāyanī –
candrahāsōjjvalakarā śārdūlavaravāhanā |
kātyāyanī śubhaṁ dadyāddēvī dānavaghātinī || 6 ||
kālarātrī –
ēkavēṇī japākarṇapūra nagnā kharāsthitā |
lambōṣṭhī karṇikākarṇī tailābhyaktaśarīriṇī ||
vāmapādōllasallōhalatākaṇṭakabhūṣaṇā |
vardhanmūrdhadhvajā kr̥ṣṇā kālarātrirbhayaṅkarī || 7 ||
mahāgaurī –
śvētē vr̥ṣē samārūḍhā śvētāmbaradharā śuciḥ |
mahāgaurī śubhaṁ dadyānmahādēvapramōdadā || 8 ||
siddhidātrī –
siddhagandharvayakṣādyairasurairamarairapi |
sēvyamānā sadā bhūyāt siddhidā siddhidāyinī || 9 ||
iti navadurgā stōtram |
