మంత్రాలు & శ్లోకాలు | దశమహావిద్యలు
శ్రీ కమలా స్తోత్రం
ఓంకారరూపిణీ దేవి విశుద్ధసత్త్వరూపిణీ |
దేవానాం జననీ త్వం హి ప్రసన్నా భవ సుందరి || ౧ ||
తన్మాత్రం చైవ భూతాని తవ వక్షఃస్థలం స్మృతమ్ |
త్వమేవ వేదగమ్యా తు ప్రసన్నా భవ సుందరి || ౨ ||
దేవ దానవ గంధర్వ యక్ష రాక్షస కిన్నరైః |
స్తూయసే త్వం సదా లక్ష్మి ప్రసన్నా భవ సుందరి || ౩ ||
లోకాతీతా ద్వైతాతీతా సమస్తభూతవేష్టితా |
విద్వజ్జనకీర్తితా చ ప్రసన్నా భవ సుందరి || ౪ ||
పరిపూర్ణా సదా లక్ష్మి త్రాత్రీ తు శరణార్థిషు |
విశ్వాద్యా విశ్వకర్త్రీ చ ప్రసన్నా భవ సుందరి || ౫ ||
బ్రహ్మరూపా చ సావిత్రీ త్వద్దీప్త్యా భాసతే జగత్ |
విశ్వరూపా వరేణ్యా చ ప్రసన్నా భవ సుందరి || ౬ ||
క్షిత్యప్తేజోమరుద్వోమపంచభూతస్వరూపిణీ |
బంధాదేః కారణం త్వం హి ప్రసన్నా భవ సుందరి || ౭ ||
మహేశే త్వం హైమవతీ కమలా కేశవేఽపి చ |
బ్రహ్మణః ప్రేయసీ త్వం హి ప్రసన్నా భవ సుందరి || ౮ ||
చండీ దుర్గా కాళికా చ కౌశికీ సిద్ధిరూపిణీ |
యోగినీ యోగగమ్యా చ ప్రసన్నా భవ సుందరి || ౯ ||
బాల్యే చ బాలికా త్వం హి యౌవనే యువతీతి చ |
స్థవిరే వృద్ధరూపా చ ప్రసన్నా భవ సుందరి || ౧౦ ||
గుణమయీ గుణాతీతా ఆద్యా విద్యా సనాతనీ |
మహత్తత్త్వాదిసంయుక్తా ప్రసన్నా భవ సుందరి || ౧౧ ||
తపస్వినీ తపః సిద్ధిః స్వర్గసిద్ధిస్తదర్థిషు |
చిన్మయీ ప్రకృతిస్త్వం తు ప్రసన్నా భవ సుందరి || ౧౨ ||
త్వమాదిర్జగతాం దేవి త్వమేవ స్థితికారణమ్ |
త్వమంతే నిధనస్థానం స్వేచ్ఛాచారా త్వమేవ హి || ౧౩ ||
చరాచరాణాం భూతానాం బహిరంతస్త్వమేవ హి |
వ్యాప్యవ్యాపకరూపేణ త్వం భాసి భక్తవత్సలే || ౧౪ ||
త్వన్మాయయా హృతజ్ఞానా నష్టాత్మానో విచేతసః |
గతాగతం ప్రపద్యంతే పాపపుణ్యవశాత్సదా || ౧౫ ||
తావత్సత్యం జగద్భాతి శుక్తికారజతం యథా |
యావన్న జ్ఞాయతే జ్ఞానం చేతసా నాన్వగామినీ || ౧౬ ||
త్వజ్జ్ఞానాత్తు సదా యుక్తః పుత్రదారగృహాదిషు |
రమంతే విషయాన్ సర్వానంతే దుఃఖప్రదాన్ ధ్రువమ్ || ౧౭ ||
త్వదాజ్ఞయా తు దేవేశి గగనే సూర్యమండలమ్ |
చంద్రశ్చ భ్రమతే నిత్యం ప్రసన్నా భవ సుందరి || ౧౮ ||
బ్రహ్మేశవిష్ణుజననీ బ్రహ్మాఖ్యా బ్రహ్మసంశ్రయా |
వ్యక్తాఽవ్యక్తా చ దేవేశి ప్రసన్నా భవ సుందరి || ౧౯ ||
అచలా సర్వగా త్వం హి మాయాతీతా మహేశ్వరి |
శివాత్మా శాశ్వతా నిత్యా ప్రసన్నా భవ సుందరి || ౨౦ ||
సర్వకార్యనియంత్రీ చ సర్వభూతేశ్వరేశ్వరీ |
అనంతా నిష్కాలా త్వం హి ప్రసన్నా భవసుందరి || ౨౧ ||
సర్వేశ్వరీ సర్వవంద్యా అచింత్యా పరమాత్మికా |
భుక్తిముక్తిప్రదా త్వం హి ప్రసన్నా భవ సుందరి || ౨౨ ||
బ్రహ్మాణీ బ్రహ్మలోకే త్వం వైకుంఠే సర్వమంగళా |
ఇంద్రాణీ అమరావత్యామంబికా వరుణాలయే || ౨౩ ||
యమాలయే కాలరూపా కుబేరభవనే శుభా |
మహానందాగ్నికోణే చ ప్రసన్నా భవ సుందరి || ౨౪ ||
నైరృత్యాం రక్తదంతా త్వం వాయవ్యాం మృగవాహినీ |
పాతాళే వైష్ణవీరూపా ప్రసన్నా భవ సుందరి || ౨౫ ||
సురసా త్వం మణిద్వీపే ఐశాన్యాం శూలధారిణీ |
భద్రకాళీ చ లంకాయాం ప్రసన్నా భవ సుందరి || ౨౬ ||
రామేశ్వరీ సేతుబంధే సింహలే దేవమోహినీ |
విమలా త్వం చ శ్రీక్షేత్రే ప్రసన్నా భవ సుందరి || ౨౭ ||
కాళికా త్వం కాళిఘట్టే కామాఖ్యా నీలపర్వతే |
విరజా ఔడ్రదేశే త్వం ప్రసన్నా భవ సుందరి || ౨౮ ||
వారాణస్యామన్నపూర్ణా అయోధ్యాయాం మహేశ్వరీ |
గయాసురీ గయాధామ్ని ప్రసన్నా భవ సుందరి || ౨౯ ||
భద్రకాళీ కురుక్షేత్రే కృష్ణ కాత్యాయనీ వ్రజే |
మహామాయా ద్వారకాయాం ప్రసన్నా భవ సుందరి || ౩౦ ||
క్షుధా త్వం సర్వజీవానాం వేలా చ సాగరస్య హి |
మహేశ్వరీ మథురాయాం ప్రసన్నా భవ సుందరి || ౩౧ ||
రామస్య జానకీ త్వం చ శివస్య మనమోహినీ |
దక్షస్య దుహితా చైవ ప్రసన్నా భవ సుందరి || ౩౨ ||
విష్ణుభక్తిప్రదా త్వం చ కంసాసుర వినాశినీ |
రావణనాశినీ చైవ ప్రసన్నా భవ సుందరి || ౩౩ ||
లక్ష్మీస్తోత్రమిదం పుణ్యం యః పఠేద్భక్తిసంయుతః |
సర్వజ్వరభయం నశ్యేత్ సర్వవ్యాధినివారణమ్ || ౩౪ ||
ఇదం స్తోత్రం మహాపుణ్యమాపదుద్ధారకారణమ్ |
త్రిసంధ్యమేకసంధ్యం వా యః పఠేత్ సతతం నరః || ౩౫ ||
ముచ్యతే సర్వపాపేభ్యస్తథా తు సర్వసంకటాత్ |
ముచ్యతే నాత్ర సందేహో భువి స్వర్గే రసాతలే || ౩౬ ||
సమస్తం చ తథా చైకం యః పఠేద్భక్తితత్పరః |
స సర్వదుష్కరం తీర్త్వా లభతే పరమాం గతిమ్ || ౩౭ ||
సుఖదం మోక్షదం స్తోత్రం యః పఠేద్భక్తిసంయుతః |
స తు కోటితీర్థఫలం ప్రాప్నోతి నాత్ర సంశయః || ౩౮ ||
ఏకా దేవీ తు కమలా యస్మింస్తుష్టా భవేత్సదా |
తస్యాఽసాధ్యం తు దేవేశి నాస్తికించిజ్జగత్త్రయే || ౩౯ ||
పఠనాదపి స్తోత్రస్య కిం న సిద్ధ్యతి భూతలే |
తస్మాత్ స్తోత్రవరం ప్రోక్తం సత్యం సత్యం హి పార్వతి || ౪౦ ||
ఇతి శ్రీ కమలా స్తోత్రమ్ |
మంత్రాలు & శ్లోకాలు | దశమహావిద్యలు
Sri Kamala Stotram
ōṅkārarūpiṇī dēvi viśuddhasattvarūpiṇī |
dēvānāṁ jananī tvaṁ hi prasannā bhava sundari || 1 ||
tanmātraṁ caiva bhūtāni tava vakṣaḥsthalaṁ smr̥tam |
tvamēva vēdagamyā tu prasannā bhava sundari || 2 ||
dēva dānava gandharva yakṣa rākṣasa kinnaraiḥ |
stūyasē tvaṁ sadā lakṣmi prasannā bhava sundari || 3 ||
lōkātītā dvaitātītā samastabhūtavēṣṭitā |
vidvajjanakīrtitā ca prasannā bhava sundari || 4 ||
paripūrṇā sadā lakṣmi trātrī tu śaraṇārthiṣu |
viśvādyā viśvakartrī ca prasannā bhava sundari || 5 ||
brahmarūpā ca sāvitrī tvaddīptyā bhāsatē jagat |
viśvarūpā varēṇyā ca prasannā bhava sundari || 6 ||
kṣityaptējōmarudvōmapañcabhūtasvarūpiṇī |
bandhādēḥ kāraṇaṁ tvaṁ hi prasannā bhava sundari || 7 ||
mahēśē tvaṁ haimavatī kamalā kēśavē:’pi ca |
brahmaṇaḥ prēyasī tvaṁ hi prasannā bhava sundari || 8 ||
caṇḍī durgā kālikā ca kauśikī siddhirūpiṇī |
yōginī yōgagamyā ca prasannā bhava sundari || 9 ||
bālyē ca bālikā tvaṁ hi yauvanē yuvatīti ca |
sthavirē vr̥ddharūpā ca prasannā bhava sundari || 10 ||
guṇamayī guṇātītā ādyā vidyā sanātanī |
mahattattvādisamyuktā prasannā bhava sundari || 11 ||
tapasvinī tapaḥ siddhiḥ svargasiddhistadarthiṣu |
cinmayī prakr̥tistvaṁ tu prasannā bhava sundari || 12 ||
tvamādirjagatāṁ dēvi tvamēva sthitikāraṇam |
tvamantē nidhanasthānaṁ svēcchācārā tvamēva hi || 13 ||
carācarāṇāṁ bhūtānāṁ bahirantastvamēva hi |
vyāpyavyāpakarūpēṇa tvaṁ bhāsi bhaktavatsalē || 14 ||
tvanmāyayā hr̥tajñānā naṣṭātmānō vicētasaḥ |
gatāgataṁ prapadyantē pāpapuṇyavaśātsadā || 15 ||
tāvatsatyaṁ jagadbhāti śuktikārajataṁ yathā |
yāvanna jñāyatē jñānaṁ cētasā nānvagāminī || 16 ||
tvajjñānāttu sadā yuktaḥ putradāragr̥hādiṣu |
ramantē viṣayān sarvānantē duḥkhapradān dhruvam || 17 ||
tvadājñayā tu dēvēśi gaganē sūryamaṇḍalam |
candraśca bhramatē nityaṁ prasannā bhava sundari || 18 ||
brahmēśaviṣṇujananī brahmākhyā brahmasaṁśrayā |
vyaktā:’vyaktā ca dēvēśi prasannā bhava sundari || 19 ||
acalā sarvagā tvaṁ hi māyātītā mahēśvari |
śivātmā śāśvatā nityā prasannā bhava sundari || 20 ||
sarvakāryaniyantrī ca sarvabhūtēśvarēśvarī |
anantā niṣkālā tvaṁ hi prasannā bhavasundari || 21 ||
sarvēśvarī sarvavandyā acintyā paramātmikā |
bhuktimuktipradā tvaṁ hi prasannā bhava sundari || 22 ||
brahmāṇī brahmalōkē tvaṁ vaikuṇṭhē sarvamaṅgalā |
indrāṇī amarāvatyāmambikā varuṇālayē || 23 ||
yamālayē kālarūpā kubērabhavanē śubhā |
mahānandāgnikōṇē ca prasannā bhava sundari || 24 ||
nairr̥tyāṁ raktadantā tvaṁ vāyavyāṁ mr̥gavāhinī |
pātālē vaiṣṇavīrūpā prasannā bhava sundari || 25 ||
surasā tvaṁ maṇidvīpē aiśānyāṁ śūladhāriṇī |
bhadrakālī ca laṅkāyāṁ prasannā bhava sundari || 26 ||
rāmēśvarī sētubandhē siṁhalē dēvamōhinī |
vimalā tvaṁ ca śrīkṣētrē prasannā bhava sundari || 27 ||
kālikā tvaṁ kālighaṭ-ṭē kāmākhyā nīlaparvatē |
virajā auḍradēśē tvaṁ prasannā bhava sundari || 28 ||
vārāṇasyāmannapūrṇā ayōdhyāyāṁ mahēśvarī |
gayāsurī gayādhāmni prasannā bhava sundari || 29 ||
bhadrakālī kurukṣētrē kr̥ṣṇa kātyāyanī vrajē |
mahāmāyā dvārakāyāṁ prasannā bhava sundari || 30 ||
kṣudhā tvaṁ sarvajīvānāṁ vēlā ca sāgarasya hi |
mahēśvarī mathurāyāṁ prasannā bhava sundari || 31 ||
rāmasya jānakī tvaṁ ca śivasya manamōhinī |
dakṣasya duhitā caiva prasannā bhava sundari || 32 ||
viṣṇubhaktipradā tvaṁ ca kaṁsāsura vināśinī |
rāvaṇanāśinī caiva prasannā bhava sundari || 33 ||
lakṣmīstōtramidaṁ puṇyaṁ yaḥ paṭhēdbhaktisamyutaḥ |
sarvajvarabhayaṁ naśyēt sarvavyādhinivāraṇam || 34 ||
idaṁ stōtraṁ mahāpuṇyamāpaduddhārakāraṇam |
trisandhyamēkasandhyaṁ vā yaḥ paṭhēt satataṁ naraḥ || 35 ||
mucyatē sarvapāpēbhyastathā tu sarvasaṅkaṭāt |
mucyatē nātra sandēhō bhuvi svargē rasātalē || 36 ||
samastaṁ ca tathā caikaṁ yaḥ paṭhēdbhaktitatparaḥ |
sa sarvaduṣkaraṁ tīrtvā labhatē paramāṁ gatim || 37 ||
sukhadaṁ mōkṣadaṁ stōtraṁ yaḥ paṭhēdbhaktisamyutaḥ |
sa tu kōṭitīrthaphalaṁ prāpnōti nātra saṁśayaḥ || 38 ||
ēkā dēvī tu kamalā yasmiṁstuṣṭā bhavētsadā |
tasyā:’sādhyaṁ tu dēvēśi nāstikiñcijjagattrayē || 39 ||
paṭhanādapi stōtrasya kiṁ na siddhyati bhūtalē |
tasmāt stōtravaraṁ prōktaṁ satyaṁ satyaṁ hi pārvati || 40 ||
iti śrī kamalā stōtram |
