మంత్రాలు & శ్లోకాలు | శ్రీ రామ
శ్రీ రామ అష్టోత్తరశతనామ స్తోత్రం
శ్రీరామో రామభద్రశ్చ రామచంద్రశ్చ శాశ్వతః |
రాజీవలోచనః శ్రీమాన్ రాజేంద్రో రఘుపుంగవః || ౧ ||
జానకీవల్లభో జైత్రో జితామిత్రో జనార్దనః |
విశ్వామిత్రప్రియో దాంతః శరణత్రాణతత్పరః || ౨ ||
వాలిప్రమథనో వాగ్మీ సత్యవాక్సత్యవిక్రమః |
సత్యవ్రతో వ్రతధరః సదాహనుమదాశ్రితః || ౩ ||
కౌసలేయః ఖరధ్వంసీ విరాధవధపండితః |
విభీషణపరిత్రాతా హరకోదండఖండనః || ౪ ||
సప్తతాళప్రభేత్తా చ దశగ్రీవశిరోహరః |
జామదగ్న్యమహాదర్పదలనస్తాటకాంతకః || ౫ ||
వేదాంతసారో వేదాత్మా భవరోగస్యభేషజమ్ |
దూషణత్రిశిరోహంతా త్రిమూర్తిస్త్రిగుణాత్మకః || ౬ ||
త్రివిక్రమస్త్రిలోకాత్మా పుణ్యచారిత్రకీర్తనః |
త్రిలోకరక్షకో ధన్వీ దండకారణ్యకర్తనః || ౭ ||
అహల్యాశాపశమనః పితృభక్తో వరప్రదః |
జితేంద్రియో జితక్రోధో జితామిత్రో జగద్గురుః || ౮ ||
ఋక్షవానరసంఘాతీ చిత్రకూటసమాశ్రయః |
జయంతత్రాణవరదః సుమిత్రాపుత్రసేవితః || ౯ ||
సర్వదేవాధిదేవశ్చ మృతవానరజీవనః |
మాయామారీచహంతా చ మహాదేవో మహాభుజః || ౧౦ ||
సర్వదేవస్తుతః సౌమ్యో బ్రహ్మణ్యో మునిసంస్తుతః |
మహాయోగీ మహోదారః సుగ్రీవేప్సితరాజ్యదః || ౧౧ ||
సర్వపుణ్యాధికఫలః స్మృతసర్వాఘనాశనః |
ఆదిపురుషః పరమపురుషో మహాపురుష ఏవ చ || ౧౨ ||
పుణ్యోదయో దయాసారః పురాణపురుషోత్తమః |
స్మితవక్త్రో మితభాషీ పూర్వభాషీ చ రాఘవః || ౧౩ ||
అనంతగుణగంభీరో ధీరోదాత్తగుణోత్తమః |
మాయామానుషచారిత్రో మహాదేవాదిపూజితః || ౧౪ ||
సేతుకృజ్జితవారాశిః సర్వతీర్థమయో హరిః |
శ్యామాంగః సుందరః శూరః పీతవాసా ధనుర్ధరః || ౧౫ ||
సర్వయజ్ఞాధిపో యజ్వా జరామరణవర్జితః |
విభీషణప్రతిష్ఠాతా సర్వావగుణవర్జితః || ౧౬ ||
పరమాత్మా పరంబ్రహ్మ సచ్చిదానందవిగ్రహః |
పరంజ్యోతిః పరంధామ పరాకాశః పరాత్పరః |
పరేశః పారగః పారః సర్వదేవాత్మకః పరః || ౧౭ ||
[* అధికశ్లోకాః –
శ్రీరామాష్టోత్తరశతం భవతాపనివారకమ్ |
సంపత్కరం త్రిసంధ్యాసు పఠతాం భక్తిపూర్వకమ్ ||
రామాయ రామభద్రాయ రామచంద్రాయ వేధసే |
రఘునాథాయ నాథాయ సీతాయాః పతయే నమః ||
*]
ఇతి శ్రీ రామాష్టోత్తరశతనామ స్తోత్రమ్ |
మంత్రాలు & శ్లోకాలు | శ్రీ రామ
Sri Rama Ashtottara Shatanama Stotram
śrīrāmō rāmabhadraśca rāmacandraśca śāśvataḥ |
rājīvalōcanaḥ śrīmān rājēndrō raghupuṅgavaḥ || 1 ||
jānakīvallabhō jaitrō jitāmitrō janārdanaḥ |
viśvāmitrapriyō dāntaḥ śaraṇatrāṇatatparaḥ || 2 ||
vālipramathanō vāgmī satyavāksatyavikramaḥ |
satyavratō vratadharaḥ sadāhanumadāśritaḥ || 3 ||
kausalēyaḥ kharadhvaṁsī virādhavadhapaṇḍitaḥ |
vibhīṣaṇaparitrātā harakōdaṇḍakhaṇḍanaḥ || 4 ||
saptatālaprabhēttā ca daśagrīvaśirōharaḥ |
jāmadagnyamahādarpadalanastāṭakāntakaḥ || 5 ||
vēdāntasārō vēdātmā bhavarōgasyabhēṣajam |
dūṣaṇatriśirōhantā trimūrtistriguṇātmakaḥ || 6 ||
trivikramastrilōkātmā puṇyacāritrakīrtanaḥ |
trilōkarakṣakō dhanvī daṇḍakāraṇyakartanaḥ || 7 ||
ahalyāśāpaśamanaḥ pitr̥bhaktō varapradaḥ |
jitēndriyō jitakrōdhō jitāmitrō jagadguruḥ || 8 ||
r̥kṣavānarasaṅghātī citrakūṭasamāśrayaḥ |
jayantatrāṇavaradaḥ sumitrāputrasēvitaḥ || 9 ||
sarvadēvādhidēvaśca mr̥tavānarajīvanaḥ |
māyāmārīcahantā ca mahādēvō mahābhujaḥ || 10 ||
sarvadēvastutaḥ saumyō brahmaṇyō munisaṁstutaḥ |
mahāyōgī mahōdāraḥ sugrīvēpsitarājyadaḥ || 11 ||
sarvapuṇyādhikaphalaḥ smr̥tasarvāghanāśanaḥ |
ādipuruṣaḥ paramapuruṣō mahāpuruṣa ēva ca || 12 ||
puṇyōdayō dayāsāraḥ purāṇapuruṣōttamaḥ |
smitavaktrō mitabhāṣī pūrvabhāṣī ca rāghavaḥ || 13 ||
anantaguṇagambhīrō dhīrōdāttaguṇōttamaḥ |
māyāmānuṣacāritrō mahādēvādipūjitaḥ || 14 ||
sētukr̥jjitavārāśiḥ sarvatīrthamayō hariḥ |
śyāmāṅgaḥ sundaraḥ śūraḥ pītavāsā dhanurdharaḥ || 15 ||
sarvayajñādhipō yajvā jarāmaraṇavarjitaḥ |
vibhīṣaṇapratiṣṭhātā sarvāvaguṇavarjitaḥ || 16 ||
paramātmā parambrahma saccidānandavigrahaḥ |
parañjyōtiḥ parandhāma parākāśaḥ parātparaḥ |
parēśaḥ pāragaḥ pāraḥ sarvadēvātmakaḥ paraḥ || 17 ||
[* adhikaślōkāḥ –
śrīrāmāṣṭōttaraśataṁ bhavatāpanivārakam |
sampatkaraṁ trisandhyāsu paṭhatāṁ bhaktipūrvakam ||
rāmāya rāmabhadrāya rāmacandrāya vēdhasē |
raghunāthāya nāthāya sītāyāḥ patayē namaḥ ||
*]
iti śrī rāmāṣṭōttaranāma stōtram |