మంత్రాలు & శ్లోకాలు | శ్రీ వేంకటేశ్వర స్వామి
శ్రీ వేంకటేశ్వర సుప్రభాతం
కౌసల్యా సుప్రజా రామ పూర్వా సంధ్యా ప్రవర్తతే |
ఉత్తిష్ఠ నరశార్దూల కర్తవ్యం దైవమాహ్నికమ్ || ౧ ||
ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ |
ఉత్తిష్ఠ కమలాకాంత త్రైలోక్యం మంగళం కురు || ౨ ||
మాతస్సమస్తజగతాం మధుకైటభారేః
వక్షోవిహారిణి మనోహరదివ్యమూర్తే | [రూపే]
శ్రీస్వామిని శ్రితజనప్రియదానశీలే
శ్రీవేంకటేశదయితే తవ సుప్రభాతమ్ || ౩ ||
తవ సుప్రభాతమరవిందలోచనే
భవతు ప్రసన్నముఖచంద్రమండలే |
విధిశంకరేంద్రవనితాభిరర్చితే
వృషశైలనాథదయితే దయానిధే || ౪ ||
అత్ర్యాదిసప్తఋషయస్సముపాస్య సంధ్యాం
ఆకాశసింధుకమలాని మనోహరాణి |
ఆదాయ పాదయుగమర్చయితుం ప్రపన్నాః
శేషాద్రిశేఖర విభో తవ సుప్రభాతమ్ || ౫ ||
పంచాననాబ్జభవషణ్ముఖవాసవాద్యాః
త్రైవిక్రమాదిచరితం విబుధాః స్తువంతి |
భాషాపతిః పఠతి వాసరశుద్ధిమారాత్
శేషాద్రిశేఖర విభో తవ సుప్రభాతమ్ || ౬ ||
ఈషత్ప్రఫుల్లసరసీరుహనారికేల-
పూగద్రుమాదిసుమనోహరపాలికానామ్ |
ఆవాతి మందమనిలస్సహ దివ్యగంధైః
శేషాద్రిశేఖర విభో తవ సుప్రభాతమ్ || ౭ ||
ఉన్మీల్య నేత్రయుగముత్తమపంజరస్థాః
పాత్రావశిష్టకదలీఫలపాయసాని |
భుక్త్వా సలీలమథ కేలిశుకాః పఠంతి
శేషాద్రిశేఖర విభో తవ సుప్రభాతమ్ || ౮ ||
తంత్రీప్రకర్షమధురస్వనయా విపంచ్యా
గాయత్యనంతచరితం తవ నారదోఽపి |
భాషాసమగ్రమసకృత్కరచారరమ్యం
శేషాద్రిశేఖర విభో తవ సుప్రభాతమ్ || ౯ ||
భృంగావళీ చ మకరందరసానువిద్ధ-
ఝంకారగీతనినదైస్సహ సేవనాయ |
నిర్యాత్యుపాంతసరసీకమలోదరేభ్యః
శేషాద్రిశేఖర విభో తవ సుప్రభాతమ్ || ౧౦ ||
యోషాగణేన వరదధ్ని విమథ్యమానే
ఘోషాలయేషు దధిమంథనతీవ్రఘోషాః |
రోషాత్కలిం విదధతే కకుభశ్చ కుంభాః
శేషాద్రిశేఖర విభో తవ సుప్రభాతమ్ || ౧౧ ||
పద్మేశమిత్రశతపత్రగతాలివర్గాః
హర్తుం శ్రియం కువలయస్య నిజాంగలక్ష్మ్యా |
భేరీనినాదమివ బిభ్రతి తీవ్రనాదం
శేషాద్రిశేఖర విభో తవ సుప్రభాతమ్ || ౧౨ ||
శ్రీమన్నభీష్టవరదాఖిలలోకబంధో
శ్రీశ్రీనివాస జగదేకదయైకసింధో |
శ్రీదేవతాగృహభుజాంతరదివ్యమూర్తే
శ్రీవేంకటాచలపతే తవ సుప్రభాతమ్ || ౧౩ ||
శ్రీస్వామిపుష్కరిణికాఽఽప్లవనిర్మలాంగాః
శ్రేయోఽర్థినో హరవిరించసనందనాద్యాః |
ద్వారే వసంతి వరవేత్రహతోత్తమాంగాః
శ్రీవేంకటాచలపతే తవ సుప్రభాతమ్ || ౧౪ ||
శ్రీశేషశైలగరుడాచలవేంకటాద్రి-
నారాయణాద్రివృషభాద్రివృషాద్రిముఖ్యామ్ |
ఆఖ్యాం త్వదీయవసతేరనిశం వదంతి
శ్రీవేంకటాచలపతే తవ సుప్రభాతమ్ || ౧౫ ||
సేవాపరాః శివసురేశకృశానుధర్మ-
రక్షోఽంబునాథపవమానధనాధినాథాః |
బద్ధాంజలిప్రవిలసన్నిజశీర్షదేశాః
శ్రీవేంకటాచలపతే తవ సుప్రభాతమ్ || ౧౬ ||
ధాటీషు తే విహగరాజమృగాధిరాజ-
నాగాధిరాజగజరాజహయాధిరాజాః |
స్వస్వాధికారమహిమాదికమర్థయంతే
శ్రీవేంకటాచలపతే తవ సుప్రభాతమ్ || ౧౭ ||
సూర్యేందుభౌమబుధవాక్పతికావ్యసౌరి-
స్వర్భానుకేతుదివిషత్పరిషత్ప్రధానాః |
త్వద్దాసదాసచరమావధిదాసదాసాః
శ్రీవేంకటాచలపతే తవ సుప్రభాతమ్ || ౧౮ ||
త్వత్పాదధూళిభరితస్ఫురితోత్తమాంగాః
స్వర్గాపవర్గనిరపేక్షనిజాంతరంగాః |
కల్పాగమాకలనయాఽఽకులతాం లభంతే
శ్రీవేంకటాచలపతే తవ సుప్రభాతమ్ || ౧౯ ||
త్వద్గోపురాగ్రశిఖరాణి నిరీక్షమాణాః
స్వర్గాపవర్గపదవీం పరమాం శ్రయంతః |
మర్త్యా మనుష్యభువనే మతిమాశ్రయంతే
శ్రీవేంకటాచలపతే తవ సుప్రభాతమ్ || ౨౦ ||
శ్రీభూమినాయక దయాదిగుణామృతాబ్ధే
దేవాధిదేవ జగదేకశరణ్యమూర్తే |
శ్రీమన్ననంతగరుడాదిభిరర్చితాంఘ్రే
శ్రీవేంకటాచలపతే తవ సుప్రభాతమ్ || ౨౧ ||
శ్రీపద్మనాభ పురుషోత్తమ వాసుదేవ
వైకుంఠ మాధవ జనార్దన చక్రపాణే |
శ్రీవత్సచిహ్న శరణాగతపారిజాత
శ్రీవేంకటాచలపతే తవ సుప్రభాతమ్ || ౨౨ ||
కందర్పదర్పహరసుందరదివ్యమూర్తే
కాంతాకుచాంబురుహకుడ్మలలోలదృష్టే |
కల్యాణనిర్మలగుణాకరదివ్యకీర్తే
శ్రీవేంకటాచలపతే తవ సుప్రభాతమ్ || ౨౩ ||
మీనాకృతే కమఠ కోల నృసింహ వర్ణిన్
స్వామిన్ పరశ్వథతపోధన రామచంద్ర |
శేషాంశరామ యదునందన కల్కిరూప
శ్రీవేంకటాచలపతే తవ సుప్రభాతమ్ || ౨౪ ||
ఏలాలవంగఘనసారసుగంధతీర్థం
దివ్యం వియత్సరితి హేమఘటేషు పూర్ణమ్ |
ధృత్వాఽద్య వైదికశిఖామణయః ప్రహృష్టాః
తిష్ఠంతి వేంకటపతే తవ సుప్రభాతమ్ || ౨౫ ||
భాస్వానుదేతి వికచాని సరోరుహాణి
సంపూరయంతి నినదైః కకుభో విహంగాః |
శ్రీవైష్ణవాస్సతతమర్థితమంగళాస్తే
ధామాశ్రయంతి తవ వేంకట సుప్రభాతమ్ || ౨౬ ||
బ్రహ్మాదయస్సురవరాస్సమహర్షయస్తే
సంతస్సనందనముఖాస్త్వథ యోగివర్యాః |
ధామాంతికే తవ హి మంగళవస్తుహస్తాః
శ్రీవేంకటాచలపతే తవ సుప్రభాతమ్ || ౨౭ ||
లక్ష్మీనివాస నిరవద్యగుణైకసింధో
సంసారసాగరసముత్తరణైకసేతో |
వేదాంతవేద్యనిజవైభవ భక్తభోగ్య
శ్రీవేంకటాచలపతే తవ సుప్రభాతమ్ || ౨౮ ||
ఇత్థం వృషాచలపతేరిహ సుప్రభాతం
యే మానవాః ప్రతిదినం పఠితుం ప్రవృత్తాః |
తేషాం ప్రభాతసమయే స్మృతిరంగభాజాం
ప్రజ్ఞాం పరార్థసులభాం పరమాం ప్రసూతే || ౨౯ ||
ఇతి శ్రీవేంకటేశ సుప్రభాతమ్ |
మంత్రాలు & శ్లోకాలు | శ్రీ వేంకటేశ్వర స్వామి
Sri Venkateshwara Suprabhatam
kausalyā suprajā rāma pūrvā sandhyā pravartatē |
uttiṣṭha naraśārdūla kartavyaṁ daivamāhnikam || 1 ||
uttiṣṭhōttiṣṭha gōvinda uttiṣṭha garuḍadhvaja |
uttiṣṭha kamalākānta trailōkyaṁ maṅgalaṁ kuru || 2 ||
mātassamastajagatāṁ madhukaiṭabhārēḥ
vakṣōvihāriṇi manōharadivyamūrtē | [rūpē]
śrīsvāmini śritajanapriyadānaśīlē
śrīvēṅkaṭēśadayitē tava suprabhātam || 3 ||
tava suprabhātamaravindalōcanē
bhavatu prasannamukhacandramaṇḍalē |
vidhiśaṅkarēndravanitābhirarcitē
vr̥ṣaśailanāthadayitē dayānidhē || 4 ||
atryādisaptar̥ṣayassamupāsya sandhyāṁ
ākāśasindhukamalāni manōharāṇi |
ādāya pādayugamarcayituṁ prapannāḥ
śēṣādriśēkhara vibhō tava suprabhātam || 5 ||
pañcānanābjabhavaṣaṇmukhavāsavādyāḥ
traivikramādicaritaṁ vibudhāḥ stuvanti |
bhāṣāpatiḥ paṭhati vāsaraśuddhimārāt
śēṣādriśēkhara vibhō tava suprabhātam || 6 ||
īṣatpraphullasarasīruhanārikēla-
pūgadrumādisumanōharapālikānām |
āvāti mandamanilassaha divyagandhaiḥ
śēṣādriśēkhara vibhō tava suprabhātam || 7 ||
unmīlya nētrayugamuttamapañjarasthāḥ
pātrāvaśiṣṭakadalīphalapāyasāni |
bhuktvā salīlamatha kēliśukāḥ paṭhanti
śēṣādriśēkhara vibhō tava suprabhātam || 8 ||
tantrīprakarṣamadhurasvanayā vipañcyā
gāyatyanantacaritaṁ tava nāradō:’pi |
bhāṣāsamagramasakr̥tkaracāraramyaṁ
śēṣādriśēkhara vibhō tava suprabhātam || 9 ||
bhr̥ṅgāvalī ca makarandarasānuviddha-
jhaṅkāragītaninadaissaha sēvanāya |
niryātyupāntasarasīkamalōdarēbhyaḥ
śēṣādriśēkhara vibhō tava suprabhātam || 10 ||
yōṣāgaṇēna varadadhni vimathyamānē
ghōṣālayēṣu dadhimanthanatīvraghōṣāḥ |
rōṣātkaliṁ vidadhatē kakubhaśca kumbhāḥ
śēṣādriśēkhara vibhō tava suprabhātam || 11 ||
padmēśamitraśatapatragatālivargāḥ
hartuṁ śriyaṁ kuvalayasya nijāṅgalakṣmyā |
bhērīninādamiva bibhrati tīvranādaṁ
śēṣādriśēkhara vibhō tava suprabhātam || 12 ||
śrīmannabhīṣṭavaradākhilalōkabandhō
śrīśrīnivāsa jagadēkadayaikasindhō |
śrīdēvatāgr̥habhujāntaradivyamūrtē
śrīvēṅkaṭācalapatē tava suprabhātam || 13 ||
śrīsvāmipuṣkariṇikā:’:’plavanirmalāṅgāḥ
śrēyō:’rthinō haraviriñcasanandanādyāḥ |
dvārē vasanti varavētrahatōttamāṅgāḥ
śrīvēṅkaṭācalapatē tava suprabhātam || 14 ||
śrīśēṣaśailagaruḍācalavēṅkaṭādri-
nārāyaṇādrivr̥ṣabhādrivr̥ṣādrimukhyām |
ākhyāṁ tvadīyavasatēraniśaṁ vadanti
śrīvēṅkaṭācalapatē tava suprabhātam || 15 ||
sēvāparāḥ śivasurēśakr̥śānudharma-
rakṣō:’mbunāthapavamānadhanādhināthāḥ |
baddhāñjalipravilasannijaśīrṣadēśāḥ
śrīvēṅkaṭācalapatē tava suprabhātam || 16 ||
dhāṭīṣu tē vihagarājamr̥gādhirāja-
nāgādhirājagajarājahayādhirājāḥ |
svasvādhikāramahimādikamarthayantē
śrīvēṅkaṭācalapatē tava suprabhātam || 17 ||
sūryēndubhaumabudhavākpatikāvyasauri-
svarbhānukētudiviṣatpariṣatpradhānāḥ |
tvaddāsadāsacaramāvadhidāsadāsāḥ
śrīvēṅkaṭācalapatē tava suprabhātam || 18 ||
tvatpādadhūlibharitasphuritōttamāṅgāḥ
svargāpavarganirapēkṣanijāntaraṅgāḥ |
kalpāgamākalanayā:’:’kulatāṁ labhantē
śrīvēṅkaṭācalapatē tava suprabhātam || 19 ||
tvadgōpurāgraśikharāṇi nirīkṣamāṇāḥ
svargāpavargapadavīṁ paramāṁ śrayantaḥ |
martyā manuṣyabhuvanē matimāśrayantē
śrīvēṅkaṭācalapatē tava suprabhātam || 20 ||
śrībhūmināyaka dayādiguṇāmr̥tābdhē
dēvādhidēva jagadēkaśaraṇyamūrtē |
śrīmannanantagaruḍādibhirarcitāṅghrē
śrīvēṅkaṭācalapatē tava suprabhātam || 21 ||
śrīpadmanābha puruṣōttama vāsudēva
vaikuṇṭha mādhava janārdana cakrapāṇē |
śrīvatsacihna śaraṇāgatapārijāta
śrīvēṅkaṭācalapatē tava suprabhātam || 22 ||
kandarpadarpaharasundaradivyamūrtē
kāntākucāmburuhakuḍmalalōladr̥ṣṭē |
kalyāṇanirmalaguṇākaradivyakīrtē
śrīvēṅkaṭācalapatē tava suprabhātam || 23 ||
mīnākr̥tē kamaṭha kōla nr̥siṁha varṇin
svāmin paraśvathatapōdhana rāmacandra |
śēṣāṁśarāma yadunandana kalkirūpa
śrīvēṅkaṭācalapatē tava suprabhātam || 24 ||
ēlālavaṅgaghanasārasugandhatīrthaṁ
divyaṁ viyatsariti hēmaghaṭēṣu pūrṇam |
dhr̥tvā:’dya vaidikaśikhāmaṇayaḥ prahr̥ṣṭāḥ
tiṣṭhanti vēṅkaṭapatē tava suprabhātam || 25 ||
bhāsvānudēti vikacāni sarōruhāṇi
sampūrayanti ninadaiḥ kakubhō vihaṅgāḥ |
śrīvaiṣṇavāssatatamarthitamaṅgalāstē
dhāmāśrayanti tava vēṅkaṭa suprabhātam || 26 ||
brahmādayassuravarāssamaharṣayastē
santassanandanamukhāstvatha yōgivaryāḥ |
dhāmāntikē tava hi maṅgalavastuhastāḥ
śrīvēṅkaṭācalapatē tava suprabhātam || 27 ||
lakṣmīnivāsa niravadyaguṇaikasindhō
saṁsārasāgarasamuttaraṇaikasētō |
vēdāntavēdyanijavaibhava bhaktabhōgya
śrīvēṅkaṭācalapatē tava suprabhātam || 28 ||
itthaṁ vr̥ṣācalapatēriha suprabhātaṁ
yē mānavāḥ pratidinaṁ paṭhituṁ pravr̥ttāḥ |
tēṣāṁ prabhātasamayē smr̥tiraṅgabhājāṁ
prajñāṁ parārthasulabhāṁ paramāṁ prasūtē || 29 ||
iti śrīvēṅkaṭēśa suprabhātam |
