మంత్రాలు & శ్లోకాలు | శ్రీ సూర్య స్తోత్రాలు
సూర్యమండల స్తోత్రం
నమోఽస్తు సూర్యాయ సహస్రరశ్మయే
సహస్రశాఖాన్వితసంభవాత్మనే |
సహస్రయోగోద్భవభావభాగినే
సహస్రసంఖ్యాయుగధారిణే నమః || ౧ ||
యన్మండలం దీప్తికరం విశాలం
రత్నప్రభం తీవ్రమనాదిరూపమ్ |
దారిద్ర్యదుఃఖక్షయకారణం చ
పునాతు మాం తత్సవితుర్వరేణ్యమ్ || ౨ ||
యన్మండలం దేవగణైః సుపూజితం
విప్రైః స్తుతం భావనముక్తికోవిదమ్ |
తం దేవదేవం ప్రణమామి సూర్యం
పునాతు మాం తత్సవితుర్వరేణ్యమ్ || ౩ ||
యన్మండలం జ్ఞానఘనం త్వగమ్యం
త్రైలోక్యపూజ్యం త్రిగుణాత్మరూపమ్ |
సమస్తతేజోమయదివ్యరూపం
పునాతు మాం తత్సవితుర్వరేణ్యమ్ || ౪ ||
యన్మండలం గూఢమతిప్రబోధం
ధర్మస్య వృద్ధిం కురుతే జనానామ్ |
యత్సర్వపాపక్షయకారణం చ
పునాతు మాం తత్సవితుర్వరేణ్యమ్ || ౫ ||
యన్మండలం వ్యాధివినాశదక్షం
యదృగ్యజుః సామసు సంప్రగీతమ్ |
ప్రకాశితం యేన చ భూర్భువః స్వః
పునాతు మాం తత్సవితుర్వరేణ్యమ్ || ౬ ||
యన్మండలం వేదవిదో వదంతి
గాయంతి యచ్చారణసిద్ధసంఘాః |
యద్యోగినో యోగజుషాం చ సంఘాః
పునాతు మాం తత్సవితుర్వరేణ్యమ్ || ౭ ||
యన్మండలం సర్వజనైశ్చ పూజితం
జ్యోతిశ్చ కుర్యాదిహ మర్త్యలోకే |
యత్కాలకాలాద్యమనాదిరూపం
పునాతు మాం తత్సవితుర్వరేణ్యమ్ || ౮ ||
యన్మండలం విష్ణుచతుర్ముఖాఖ్యం
యదక్షరం పాపహరం జనానామ్ |
యత్కాలకల్పక్షయకారణం చ
పునాతు మాం తత్సవితుర్వరేణ్యమ్ || ౯ ||
యన్మండలం విశ్వసృజం ప్రసిద్ధ-
-ముత్పత్తిరక్షాప్రళయప్రగల్భమ్ |
యస్మిన్ జగత్సంహరతేఽఖిలం చ
పునాతు మాం తత్సవితుర్వరేణ్యమ్ || ౧౦ ||
యన్మండలం సర్వగతస్య విష్ణో-
-రాత్మా పరం ధామ విశుద్ధతత్త్వమ్ |
సూక్ష్మాంతరైర్యోగపథానుగమ్యం
పునాతు మాం తత్సవితుర్వరేణ్యమ్ || ౧౧ ||
యన్మండలం వేదవిదోపగీతం
యద్యోగినాం యోగపథానుగమ్యమ్ |
తత్సర్వవేద్యం ప్రణమామి సూర్యం
పునాతు మాం తత్సవితుర్వరేణ్యమ్ || ౧౨ ||
సూర్యమండలసు స్తోత్రం యః పఠేత్సతతం నరః |
సర్వపాపవిశుద్ధాత్మా సూర్యలోకే మహీయతే || ౧౩ ||
ఇతి శ్రీభవిష్యోత్తరపురాణే శ్రీకృష్ణార్జునసంవాదే శ్రీ సూర్య మండల స్తోత్రమ్ |
మంత్రాలు & శ్లోకాలు | శ్రీ సూర్య స్తోత్రాలు
Surya Mandala Stotram
namō:’stu sūryāya sahasraraśmayē
sahasraśākhānvitasambhavātmanē |
sahasrayōgōdbhavabhāvabhāginē
sahasrasaṅkhyāyugadhāriṇē namaḥ || 1 ||
yanmaṇḍalaṁ dīptikaraṁ viśālaṁ
ratnaprabhaṁ tīvramanādirūpam |
dāridryaduḥkhakṣayakāraṇaṁ ca
punātu māṁ tatsaviturvarēṇyam || 2 ||
yanmaṇḍalaṁ dēvagaṇaiḥ supūjitaṁ
vipraiḥ stutaṁ bhāvanamuktikōvidam |
taṁ dēvadēvaṁ praṇamāmi sūryaṁ
punātu māṁ tatsaviturvarēṇyam || 3 ||
yanmaṇḍalaṁ jñānaghanaṁ tvagamyaṁ
trailōkyapūjyaṁ triguṇātmarūpam |
samastatējōmayadivyarūpaṁ
punātu māṁ tatsaviturvarēṇyam || 4 ||
yanmaṇḍalaṁ gūḍhamatiprabōdhaṁ
dharmasya vr̥ddhiṁ kurutē janānām |
yatsarvapāpakṣayakāraṇaṁ ca
punātu māṁ tatsaviturvarēṇyam || 5 ||
yanmaṇḍalaṁ vyādhivināśadakṣaṁ
yadr̥gyajuḥ sāmasu sampragītam |
prakāśitaṁ yēna ca bhūrbhuvaḥ svaḥ
punātu māṁ tatsaviturvarēṇyam || 6 ||
yanmaṇḍalaṁ vēdavidō vadanti
gāyanti yaccāraṇasiddhasaṅghāḥ |
yadyōginō yōgajuṣāṁ ca saṅghāḥ
punātu māṁ tatsaviturvarēṇyam || 7 ||
yanmaṇḍalaṁ sarvajanaiśca pūjitaṁ
jyōtiśca kuryādiha martyalōkē |
yatkālakālādyamanādirūpaṁ
punātu māṁ tatsaviturvarēṇyam || 8 ||
yanmaṇḍalaṁ viṣṇucaturmukhākhyaṁ
yadakṣaraṁ pāpaharaṁ janānām |
yatkālakalpakṣayakāraṇaṁ ca
punātu māṁ tatsaviturvarēṇyam || 9 ||
yanmaṇḍalaṁ viśvasr̥jaṁ prasiddha-
-mutpattirakṣāpralayapragalbham |
yasmin jagatsaṁharatē:’khilaṁ ca
punātu māṁ tatsaviturvarēṇyam || 10 ||
yanmaṇḍalaṁ sarvagatasya viṣṇō-
-rātmā paraṁ dhāma viśuddhatattvam |
sūkṣmāntarairyōgapathānugamyaṁ
punātu māṁ tatsaviturvarēṇyam || 11 ||
yanmaṇḍalaṁ vēdavidōpagītaṁ
yadyōgināṁ yōgapathānugamyam |
tatsarvavēdyaṁ praṇamāmi sūryaṁ
punātu māṁ tatsaviturvarēṇyam || 12 ||
sūryamaṇḍalasu stōtraṁ yaḥ paṭhētsatataṁ naraḥ |
sarvapāpaviśuddhātmā sūryalōkē mahīyatē || 13 ||
iti śrībhaviṣyōttarapurāṇē śrīkr̥ṣṇārjunasaṁvādē śrī sūrya maṇḍala stōtram |
