శ్రీ జోగులాంబాష్టకం
మహాయోగిపీఠస్థలే తుంగభద్రా-
-తటే సూక్ష్మకాశ్యాం సదాసంవసంతీమ్ |
మహాయోగిబ్రహ్మేశవామాంకసంస్థాం
శరచ్చంద్రబింబాం భజే జోగులాంబామ్ || ౧ ||
జ్వలద్రత్నవైడూర్యముక్తాప్రవాల
ప్రవీణ్యస్థగాంగేయకోటీరశోభామ్ |
సుకాశ్మీరరేఖాప్రభాఖ్యాం స్వఫాలే
శరచ్చంద్రబింబాం భజే జోగులాంబామ్ || ౨ ||
స్వసౌందర్యమందస్మితాం బిందువక్త్రాం
రసత్కజ్జలాలిప్త పద్మాభనేత్రామ్ |
పరాం పార్వతీం విద్యుదాభాసగాత్రీం
శరచ్చంద్రబింబాం భజే జోగులాంబామ్ || ౩ ||
ఘనశ్యామలాపాదసంలోక వేణీం
మనః శంకరారామపీయూషవాణీమ్ |
శుకాశ్లిష్టసుశ్లాఘ్యపద్మాభపాణీం
శరచ్చంద్రబింబాం భజే జోగులాంబామ్ || ౪ ||
సుధాపూర్ణ గాంగేయకుంభస్తనాఢ్యాం
లసత్పీతకౌశేయవస్త్రాం స్వకట్యామ్ |
గలేరత్నముక్తావలీపుష్పహారాం
శరచ్చంద్రబింబాం భజే జోగులాంబామ్ || ౫ ||
శివాం శాంకరీం సర్వకల్యాణశీలాం
భవానీం భవాంభోనిధేర్దివ్యనౌకామ్ |
కుమారీం కులోత్తారణీమాదివిద్యాం
శరచ్చంద్రబింబాం భజే జోగులాంబామ్ || ౬ ||
చలత్కింకిణీం నూపురాపాదపద్మాం
సురేంద్రైర్మృగేంద్రైర్మహాయోగిబృందైః |
సదా సంస్తువంతీం పరం వేదవిద్భిః
శరచ్చంద్రబింబాం భజే జోగులాంబామ్ || ౭ ||
హరేః సోదరీం హవ్యవాహస్వరూపాం
ప్రసన్నాం ప్రపన్నార్తిహంత్రీం ప్రసిద్ధామ్ |
మహాసిద్ధిబుద్ధ్యాదివంద్యాం పరేశీం
శరచ్చంద్రబింబాం భజే జోగులాంబామ్ || ౮ ||
ఇదం జోగులాంబాష్టకం యః పఠేద్వా
ప్రభాతే నిశార్ధేఽథవా చిత్తశుద్ధిః |
పృథివ్యాం పరం సర్వభోగాంశ్చ భుక్త్వా
శ్రియం ముక్తిమాప్నోతి దివ్యాం ప్రసిద్ధః || ౯ ||
ఇతి శ్రీ జోగులాంబాష్టకమ్ |
Sri Jogulamba Ashtakam
mahāyōgipīṭhasthalē tuṅgabhadrā-
-taṭē sūkṣmakāśyāṁ sadāsaṁvasantīm |
mahāyōgibrahmēśavāmāṅkasaṁsthāṁ
śaraccandrabimbāṁ bhajē jōgulāmbām || 1 ||
jvaladratnavaiḍūryamuktāpravāla
pravīṇyasthagāṅgēyakōṭīraśōbhām |
sukāśmīrarēkhāprabhākhyāṁ svaphālē
śaraccandrabimbāṁ bhajē jōgulāmbām || 2 ||
svasaundaryamandasmitāṁ binduvaktrāṁ
rasatkajjalālipta padmābhanētrām |
parāṁ pārvatīṁ vidyudābhāsagātrīṁ
śaraccandrabimbāṁ bhajē jōgulāmbām || 3 ||
ghanaśyāmalāpādasaṁlōka vēṇīṁ
manaḥ śaṅkarārāmapīyūṣavāṇīm |
śukāśliṣṭasuślāghyapadmābhapāṇīṁ
śaraccandrabimbāṁ bhajē jōgulāmbām || 4 ||
sudhāpūrṇa gāṅgēyakumbhastanāḍhyāṁ
lasatpītakauśēyavastrāṁ svakaṭyām |
galēratnamuktāvalīpuṣpahārāṁ
śaraccandrabimbāṁ bhajē jōgulāmbām || 5 ||
śivāṁ śāṅkarīṁ sarvakalyāṇaśīlāṁ
bhavānīṁ bhavāmbhōnidhērdivyanaukām |
kumārīṁ kulōttāraṇīmādividyāṁ
śaraccandrabimbāṁ bhajē jōgulāmbām || 6 ||
calatkiṅkiṇīṁ nūpurāpādapadmāṁ
surēndrairmr̥gēndrairmahāyōgibr̥ndaiḥ |
sadā saṁstuvantīṁ paraṁ vēdavidbhiḥ
śaraccandrabimbāṁ bhajē jōgulāmbām || 7 ||
harēḥ sōdarīṁ havyavāhasvarūpāṁ
prasannāṁ prapannārtihantrīṁ prasiddhām |
mahāsiddhibuddhyādivandyāṁ parēśīṁ
śaraccandrabimbāṁ bhajē jōgulāmbām || 8 ||
idaṁ jōgulāmbāṣṭakaṁ yaḥ paṭhēdvā
prabhātē niśārdhē:’thavā cittaśuddhiḥ |
pr̥thivyāṁ paraṁ sarvabhōgāṁśca bhuktvā
śriyaṁ muktimāpnōti divyāṁ prasiddhaḥ || 9 ||
iti śrī jōgulāmbāṣṭakam |
