శ్రీ జగద్ధాత్రీ స్తోత్రం
ఆధారభూతే చాధేయే ధృతిరూపే ధురంధరే |
ధ్రువే ధ్రువపదే ధీరే జగద్ధాత్రి నమోఽస్తు తే || ౧ ||
శవాకారే శక్తిరూపే శక్తిస్థే శక్తివిగ్రహే |
శాక్తాచారప్రియే దేవి జగద్ధాత్రి నమోఽస్తు తే || ౨ ||
జయదే జగదానందే జగదేకప్రపూజితే |
జయ సర్వగతే దుర్గే జగద్ధాత్రి నమోఽస్తు తే || ౩ ||
సూక్ష్మాతిసూక్ష్మరూపే చ ప్రాణాపానాదిరూపిణి |
భావాభావస్వరూపే చ జగద్ధాత్రి నమోఽస్తు తే || ౪ ||
కాలాదిరూపే కాలేశే కాలాకాలవిభేదిని |
సర్వస్వరూపే సర్వజ్ఞే జగద్ధాత్రి నమోఽస్తు తే || ౫ ||
మహావిఘ్నే మహోత్సాహే మహామాయే వరప్రదే |
ప్రపంచసారే సాధ్వీశే జగద్ధాత్రి నమోఽస్తు తే || ౬ ||
అగమ్యే జగతామాద్యే మాహేశ్వరి వరాంగనే |
అశేషరూపే రూపస్థే జగద్ధాత్రి నమోఽస్తు తే || ౭ ||
ద్విసప్తకోటిమంత్రాణాం శక్తిరూపే సనాతని |
సర్వశక్తిస్వరూపే చ జగద్ధాత్రి నమోఽస్తు తే || ౮ ||
తీర్థయజ్ఞతపోదానయోగసారే జగన్మయి |
త్వమేవ సర్వం సర్వస్థే జగద్ధాత్రి నమోఽస్తు తే || ౯ ||
దయారూపే దయాదృష్టే దయార్ద్రే దుఃఖమోచని |
సర్వాపత్తారికే దుర్గే జగద్ధాత్రి నమోఽస్తు తే || ౧౦ ||
అగమ్యధామధామస్థే మహాయోగీశహృత్పురే |
అమేయభావకూటస్థే జగద్ధాత్రి నమోఽస్తు తే || ౧౧ ||
ఇతి శ్రీ జగద్ధాత్రీ స్తోత్రమ్ |
Sri Jagaddhatri Stotram
ādhārabhūtē cādhēyē dhr̥tirūpē dhurandharē |
dhruvē dhruvapadē dhīrē jagaddhātri namō:’stu tē || 1 ||
śavākārē śaktirūpē śaktisthē śaktivigrahē |
śāktācārapriyē dēvi jagaddhātri namō:’stu tē || 2 ||
jayadē jagadānandē jagadēkaprapūjitē |
jaya sarvagatē durgē jagaddhātri namō:’stu tē || 3 ||
sūkṣmātisūkṣmarūpē ca prāṇāpānādirūpiṇi |
bhāvābhāvasvarūpē ca jagaddhātri namō:’stu tē || 4 ||
kālādirūpē kālēśē kālākālavibhēdini |
sarvasvarūpē sarvajñē jagaddhātri namō:’stu tē || 5 ||
mahāvighnē mahōtsāhē mahāmāyē varapradē |
prapañcasārē sādhvīśē jagaddhātri namō:’stu tē || 6 ||
agamyē jagatāmādyē māhēśvari varāṅganē |
aśēṣarūpē rūpasthē jagaddhātri namō:’stu tē || 7 ||
dvisaptakōṭimantrāṇāṁ śaktirūpē sanātani |
sarvaśaktisvarūpē ca jagaddhātri namō:’stu tē || 8 ||
tīrthayajñatapōdānayōgasārē jaganmayi |
tvamēva sarvaṁ sarvasthē jagaddhātri namō:’stu tē || 9 ||
dayārūpē dayādr̥ṣṭē dayārdrē duḥkhamōcani |
sarvāpattārikē durgē jagaddhātri namō:’stu tē || 10 ||
agamyadhāmadhāmasthē mahāyōgīśahr̥tpurē |
amēyabhāvakūṭasthē jagaddhātri namō:’stu tē || 11 ||
iti śrī jagaddhātrī stōtram |