దేవీ అపరాధ క్షమాపణ స్తోత్రం devi aparadha kshamapana stotram in telugu lo devi aparadha kshamapana stotram telugu pdf అవసరం లేకుండా devi aparadha kshamapana stotram telugu lyrics నేరుగా భక్తులు ఇన్ తెలుగులో పారాయణం చెయ్యండి
దేవీ అపరాధ క్షమాపణ స్తోత్రం
న మంత్రం నో యంత్రం తదపి చ న జానే స్తుతిమహో
న చాహ్వానం ధ్యానం తదపి చ న జానే స్తుతికథాః|
న జానే ముద్రాస్తే తదపి చ న జానే విలపనం
పరం జానే మాతస్త్వదనుసరణం క్లేశహరణమ్ || ౧ ||
విధేరజ్ఞానేన ద్రవిణవిరహేణాలసతయా
విధేయాశక్యత్వాత్తవ చరణయోర్యా చ్యుతిరభూత్ |
తదేతత్ క్షంతవ్యం జనని సకలోద్ధారిణి శివే
కుపుత్రో జాయేత క్వచిదపి కుమాతా న భవతి || ౨ ||
పృథివ్యాం పుత్రాస్తే జనని బహవః సంతి సరలాః
పరం తేషాం మధ్యే విరలతరలోఽహం తవ సుతః |
మదీయోఽయం త్యాగః సముచితమిదం నో తవ శివే
కుపుత్రో జాయేత క్వచిదపి కుమాతా న భవతి || ౩ ||
జగన్మాతర్మాతస్తవ చరణసేవా న రచితా
న వా దత్తం దేవి ద్రవిణమపి భూయస్తవ మయా |
తథాపి త్వం స్నేహం మయి నిరుపమం యత్ప్రకురుషే
కుపుత్రో జాయేత క్వచిదపి కుమాతా న భవతి || ౪ ||
పరిత్యక్తా దేవాన్వివిధవిధిసేవాకులతయా
మయా పంచాశీతేరధికమపనీతే తు వయసి |
ఇదానీం చేన్మాతస్తవ యది కృపా నాపి భవితా
నిరాలంబో లంబోదరజనని కం యామి శరణమ్ || ౫ ||
శ్వపాకో జల్పాకో భవతి మధుపాకోపమగిరా
నిరాతంకో రంకో విహరతి చిరం కోటికనకైః |
తవాపర్ణే కర్ణే విశతి మనువర్ణే ఫలమిదం
జనః కో జానీతే జనని జపనీయం జపవిధౌ || ౬ ||
చితాభస్మాలేపో గరళమశనం దిక్పటధరో
జటాధారీ కంఠే భుజగపతిహారీ పశుపతిః |
కపాలీ భూతేశో భజతి జగదీశైకపదవీం
భవానీ త్వత్పాణిగ్రహణపరిపాటీ ఫలమిదమ్ || ౭ ||
న మోక్షస్యాకాంక్షా న చ విభవవాంఛాపి చ న మే
న విజ్ఞానాపేక్షా శశిముఖి సుఖేచ్ఛాపి న పునః |
అతస్త్వాం సంయాచే జనని జననం యాతు మమ వై
మృడానీ రుద్రాణీ శివ శివ భవానీతి జపతః || ౮ ||
నారాధితాసి విధినా వివిధోపచారైః
కిం రూక్షచింతనపరైర్న కృతం వచోభిః |
శ్యామే త్వమేవ యది కించన మయ్యనాథే
ధత్సే కృపాముచితమంబ పరం తవైవ || ౯ ||
ఆపత్సు మగ్నః స్మరణం త్వదీయం
కరోమి దుర్గే కరుణార్ణవే శివే |
నైతచ్ఛఠత్వం మమ భావయేథాః
క్షుధాతృషార్తాః జననీం స్మరంతి || ౧౦ ||
జగదంబ విచిత్రమత్ర కిం
పరిపూర్ణా కరుణాస్తి చేన్మయి |
అపరాధపరంపరావృతం
న హి మాతా సముపేక్షతే సుతమ్ || ౧౧ ||
మత్సమః పాతకీ నాస్తి పాపఘ్నీ త్వత్సమా న హి |
ఏవం జ్ఞాత్వా మహాదేవీ యథా యోగ్యం తథా కురు || ౧౨ ||
ఇతి శ్రీమచ్ఛంకరాచార్య విరచితం దేవ్యపరాధక్షమాపణ స్తోత్రమ్ |
Devi Aparadha Kshamapana Stotram
na mantraṁ nō yantraṁ tadapi ca na jānē stutimahō
na cāhvānaṁ dhyānam tadapi ca na jānē stutikathāḥ |
na jānē mudrāstē tadapi ca na jānē vilapanaṁ
paraṁ jānē mātastvadanusaraṇaṁ klēśaharaṇam || 1 ||
vidhērajñānēna draviṇavirahēṇālasatayā
vidhēyāśakyatvāttava caraṇayōryā cyutirabhūt |
tadētat kṣantavyaṁ janani sakalōddhāriṇi śivē
kuputrō jāyēta kvacidapi kumātā na bhavati || 2 ||
pr̥thivyāṁ putrāstē janani bahavaḥ santi saralāḥ
paraṁ tēṣāṁ madhyē viralataralō:’haṁ tava sutaḥ |
madīyō:’yaṁ tyāgaḥ samucitamidaṁ nō tava śivē
kuputrō jāyēta kvacidapi kumātā na bhavati || 3 ||
jaganmātarmātastava caraṇasēvā na racitā
na vā dattaṁ dēvi draviṇamapi bhūyastava mayā |
tathāpi tvaṁ snēhaṁ mayi nirupamaṁ yatprakuruṣē
kuputrō jāyēta kvacidapi kumātā na bhavati || 4 ||
parityaktā dēvānvividhavidhisēvākulatayā
mayā pañcāśītēradhikamapanītē tu vayasi |
idānīṁ cēnmātastava yadi kr̥pā nāpi bhavitā
nirālambō lambōdarajanani kaṁ yāmi śaraṇam || 5 ||
śvapākō jalpākō bhavati madhupākōpamagirā
nirātaṅkō raṅkō viharati ciraṁ kōṭikanakaiḥ |
tavāparṇē karṇē viśati manuvarṇē phalamidaṁ
janaḥ kō jānītē janani japanīyaṁ japavidhau || 6 ||
citābhasmālēpō garalamaśanaṁ dikpaṭadharō
jaṭādhārī kaṇṭhē bhujagapatihārī paśupatiḥ |
kapālī bhūtēśō bhajati jagadīśaikapadavīṁ
bhavānī tvatpāṇigrahaṇaparipāṭī phalamidam || 7 ||
na mōkṣasyākāṅkṣā na ca vibhavavāñchāpi ca na mē
na vijñānāpēkṣā śaśimukhi sukhēcchāpi na punaḥ |
atastvāṁ samyācē janani jananaṁ yātu mama vai
mr̥ḍānī rudrāṇī śiva śiva bhavānīti japataḥ || 8 ||
nārādhitāsi vidhinā vividhōpacāraiḥ
kiṁ rūkṣacintanaparairna kr̥taṁ vacōbhiḥ |
śyāmē tvamēva yadi kiñcana mayyanāthē
dhatsē kr̥pāmucitamamba paraṁ tavaiva || 9 ||
āpatsu magnaḥ smaraṇaṁ tvadīyaṁ
karōmi durgē karuṇārṇavē śivē |
naitacchaṭhatvaṁ mama bhāvayēthāḥ
kṣudhātr̥ṣārtāḥ jananīṁ smaranti || 10 ||
jagadamba vicitramatra kiṁ
paripūrṇā karuṇāsti cēnmayi |
aparādhaparamparāvr̥taṁ
na hi mātā samupēkṣatē sutam || 11 ||
matsamaḥ pātakī nāsti pāpaghnī tvatsamā na hi |
ēvaṁ jñātvā mahādēvī yathā yōgyaṁ tathā kuru || 12 ||
iti śrīmacchaṅkarācārya viracitaṁ dēvyaparādhakṣamāpaṇa stōtram |
