పంచస్తవి 2 చర్చాస్తవః Panchastavi 2 charcha Stava in telugu lo Panchastavi 2 charcha Stava telugu pdf download book అవసరం లేకుండా Panchastavi 2 charcha stava Stava lyrics నేరుగా భక్తులు ఇన్ తెలుగులో పారాయణం చెయ్యండి
పంచస్తవి 2 చర్చాస్తవః
సౌందర్యవిభ్రమభువో భువనాధిపత్య-
-సంకల్పకల్పతరవస్త్రిపురే జయంతి |
ఏతే కవిత్వకుమదప్రకరావబోధ-
-పూర్ణేందవస్త్వయి జగజ్జనని ప్రణామాః || ౧ ||
దేవి స్తుతివ్యతికరే కృతబుద్ధయస్తే
వాచస్పతి ప్రభృతయోఽపి జడీ భవంతి |
తస్మాన్నిసర్గజడిమా కతమోఽహమత్ర
స్తోత్రం తవ త్రిపురతాపనపత్ని కర్తుమ్ || ౨ ||
మాతస్తథాపి భవతీం భవతీవ్రతాప-
-విచ్ఛిత్తయే స్తుతిమహార్ణవ కర్ణధారః |
స్తోతుం భవాని స భవచ్చరణారవింద-
-భక్తిగ్రహః కిమపి మాం ముఖరీ కరోతి || ౩ ||
సూతే జగంతి భవతీ భవతీ బిభర్తి
జాగర్తి తత్క్షయకృతే భవతీ భవాని |
మోహం భినత్తి భవతీ భవతీ రుణద్ధి
లీలాయితం జయతి చిత్రమిదం భవత్యాః || ౪ ||
యస్మిన్మనాగపి నవాంబుజపత్రగౌరీం
గౌరీం ప్రసాదమధురాం దృశమాదధాసి |
తస్మిన్నిరంతరమనంగశరావకీర్ణ-
-సీమంతినీనయనసంతతయః పతంతి || ౫ ||
పృథ్వీభుజోఽప్యుదయనప్రభవస్య తస్య
విద్యాధర ప్రణతి చుంబిత పాదపీఠః |
తచ్చక్రవర్తిపదవీప్రణయః స ఏషః
త్వత్పాదపంకజరజః కణజః ప్రసాదః || ౬ ||
త్వత్పాదపంకజరజ ప్రణిపాతపూర్వైః
పుణ్యైరనల్పమతిభిః కృతిభిః కవీంద్రైః |
క్షీరక్షపాకరదుకూలహిమావదాతా
కైరప్యవాపి భువనత్రితయేఽపి కీర్తిః || ౭ ||
కల్పద్రుమప్రసవకల్పితచిత్రపూజాం
ఉద్దీపిత ప్రియతమామదరక్తగీతిమ్ |
నిత్యం భవాని భవతీముపవీణయంతి
విద్యాధరాః కనకశైలగుహాగృహేషు || ౮ ||
లక్ష్మీవశీకరణకర్మణి కామినీనాం
ఆకర్షణవ్యతికరేషు చ సిద్ధమంత్రః |
నీరంధ్రమోహతిమిరచ్ఛిదురప్రదీపో
దేవి త్వదంఘ్రిజనితో జయతి ప్రసాదః || ౯ ||
దేవి త్వదంఘ్రినఖరత్నభువో మయూఖాః
ప్రత్యగ్రమౌక్తికరుచో ముదముద్వహంతి |
సేవానతివ్యతికరే సురసుందరీణాం
సీమంతసీమ్ని కుసుమస్తబకాయితం యైః || ౧౦ ||
మూర్ధ్ని స్ఫురత్తుహినదీధితిదీప్తిదీప్తం
మధ్యే లలాటమమరాయుధరశ్మిచిత్రమ్ |
హృచ్చక్రచుంబి హుతభుక్కణికానుకారి
జ్యోతిర్యదేతదిదమంబ తవ స్వరూపమ్ || ౧౧ ||
రూపం తవ స్ఫురితచంద్రమరీచిగౌరం
ఆలోకతే శిరసి వాగధిదైవతం యః |
నిఃసీమసూక్తిరచనామృతనిర్ఝరస్య
తస్య ప్రసాదమధురాః ప్రసరంతి వాచః || ౧౨ ||
సిందూరపాంసుపటలచ్ఛురితామివ ద్యాం
త్వత్తేజసా జతురసస్నపితామివోర్వీమ్ |
యః పశ్యతి క్షణమపి త్రిపురే విహాయ
వ్రీడాం మృడాని సుదృశస్తమనుద్రవంతి || ౧౩ ||
మాతర్ముహూర్తమపి యః స్మరతి స్వరూపం
లాక్షారసప్రసరతంతునిభం భవత్యాః |
ధ్యాయంత్యనన్యమనసస్తమనంగతప్తాః
ప్రద్యుమ్నసీమ్ని సుభగత్వగుణం తరుణ్యః || ౧౪ ||
యోఽయం చకాస్తి గగనార్ణవరత్నమిందుః
యోఽయం సురాసురగురుః పురుషః పురాణః |
యద్వామమర్ధమిదమంధకసూదనస్య
దేవి త్వమేవ తదితి ప్రతిపాదయంతి || ౧౫ ||
ఇచ్ఛానురూపమనురూపగుణప్రకర్ష
సంకర్షిణి త్వమభిమృశ్య యదా బిభర్షి |
జాయేత స త్రిభువనైక గురుస్తదానీం
దేవః శివోఽపి భువనత్రయసూత్రధారః || ౧౬ ||
ధ్యాతాసి హైమవతి యేన హిమాంశురశ్మి-
-మాలామలద్యుతిరకల్మషమానసేన |
తస్యావిలంబమనవద్యమనంతకల్పం
అల్పైర్దినైః సృజసి సుందరి వాగ్విలాసమ్ || ౧౭ ||
ఆధారమారుతనిరోధవశేన యేషాం
సిందూరరంజితసరోజగుణానుకారి |
దీప్తం హృది స్ఫురతి దేవి వపుస్త్వదీయం
ధ్యాయంతి తానిహ సమీహితసిద్ధిసార్థాః || ౧౮ ||
యే చింతయంత్యరుణమండలమధ్యవర్తి
రూపం తవాంబ నవయావకపంకపింగమ్ |
తేషాం సదైవ కుసుమాయుధబాణభిన్న-
-వక్షఃస్థలా మృగదృశో వశగా భవంతి || ౧౯ ||
త్వామైందవీమివ కలామనుఫాలదేశం
ఉద్భాసితాంబరతలామవలోకయంతః |
సద్యో భవాని సుధియః కవయో భవంతి
త్వం భావనాహితధియాం కులకామధేనుః || ౨౦ ||
శర్వాణి సర్వజనవందితపాదపద్మే
పద్మచ్ఛదద్యుతివిడంబితనేత్రలక్ష్మి |
నిష్పాపమూర్తిజనమానసరాజహంసి
హంసి త్వమాపదమనేకవిధాం జనస్య || ౨౧ ||
ఉత్తప్తహేమరుచిరే త్రిపురే పునీహి
చేతశ్చిరంతనమఘౌఘవనం లునీహి |
కారాగృహే నిగలబంధనయంత్రితస్య
త్వత్సంస్మృతౌ ఝటితి మే నిగలాస్త్రుటంతి || ౨౨ ||
త్వాం వ్యాపినీతి సుమనా ఇతి కుండలీతి
త్వాం కామినీతి కమలేతి కలావతీతి |
త్వాం మాలినీతి లలితేత్యపరాజితేతి
దేవి స్తువంతి విజయేతి జయేత్యుమేతి || ౨౩ ||
ఉద్దామకామపరమార్థసరోజఖండ-
చండద్యుతిద్యుతిమపాసితషడ్వికారామ్ |
మోహద్విపేంద్రకదనోద్యతబోధసింహ-
-లీలాగుహాం భగవతీం త్రిపురాం నమామి || ౨౪ ||
గణేశవటుకస్తుతా రతిసహాయకామాన్వితా
స్మరారివరవిష్టరా కుసుమబాణబాణైర్యుతా |
అనంగకుసుమాదిభిః పరివృతా చ సిద్ధైస్త్రిభిః
కదంబవనమధ్యగా త్రిపురసుందరీ పాతు నః || ౨౫ ||
రుద్రాణి విద్రుమమయీం ప్రతిమామివ త్వాం
యే చింతయంత్యరుణకాంతిమనన్యరూపామ్ |
తానేత్య పక్ష్మలదృశః ప్రసభం భజంతే
కంఠావసక్తమృదుబాహులతాస్తరుణ్యః || ౨౬ ||
త్వద్రూపైకనిరూపణప్రణయితాబంధో దృశోస్త్వద్గుణ-
-గ్రామాకర్ణనరాగితా శ్రవణయోస్త్వత్సంస్మృతిశ్చేతసి |
త్వత్పాదార్చనచాతురీ కరయుగే త్వత్కీర్తితం వాచి మే
కుత్రాపి త్వదుపాసనవ్యసనితా మే దేవి మా శామ్యతు || ౨౭ ||
త్వద్రూపముల్లసితదాడిమపుష్పరక్తం
ఉద్భావయేన్మదనదైవతమక్షరం యః |
తం రూపహీనమపి మన్మథనిర్విశేషం
ఆలోకయంత్యురునితంబతటాస్తరుణ్యః || ౨౮ ||
బ్రహ్మేంద్రరుద్రహరిచంద్రసహస్రరశ్మి-
-స్కందద్విపాననహుతాశనవందితాయై |
వాగీశ్వరి త్రిభువనేశ్వరి విశ్వమాతః
అంతర్బహిశ్చ కృతసంస్థితయే నమస్తే || ౨౯ ||
కస్తోత్రమేతదనువాసరమీశ్వరాయాః
శ్రేయస్కరం పఠతి వా యది వా శృణోతి |
తస్యేప్సితం ఫలతి రాజభిరీడ్యతేఽసౌ
జాయేత స ప్రియతమో మదిరేక్షణానామ్ || ౩౦ ||
ఇతి శ్రీకాళిదాస విరచిత పంచస్తవ్యాం ద్వితీయః చర్చాస్తవః |
Panchastavi 2 Charcha
saundaryavibhramabhuvō bhuvanādhipatya-
-saṅkalpakalpataravastripurē jayanti |
ētē kavitvakumadaprakarāvabōdha-
-pūrṇēndavastvayi jagajjanani praṇāmāḥ || 1 ||
dēvi stutivyatikarē kr̥tabuddhayastē
vācaspati prabhr̥tayō:’pi jaḍī bhavanti |
tasmānnisargajaḍimā katamō:’hamatra
stōtraṁ tava tripuratāpanapatni kartum || 2 ||
mātastathāpi bhavatīṁ bhavatīvratāpa-
-vicchittayē stutimahārṇava karṇadhāraḥ |
stōtuṁ bhavāni sa bhavaccaraṇāravinda-
-bhaktigrahaḥ kimapi māṁ mukharī karōti || 3 ||
sūtē jaganti bhavatī bhavatī bibharti
jāgarti tatkṣayakr̥tē bhavatī bhavāni |
mōhaṁ bhinatti bhavatī bhavatī ruṇaddhi
līlāyitaṁ jayati citramidaṁ bhavatyāḥ || 4 ||
yasminmanāgapi navāmbujapatragaurīṁ
gaurīṁ prasādamadhurāṁ dr̥śamādadhāsi |
tasminnirantaramanaṅgaśarāvakīrṇa-
-sīmantinīnayanasantatayaḥ patanti || 5 ||
pr̥thvībhujō:’pyudayanaprabhavasya tasya
vidyādhara praṇati cumbita pādapīṭhaḥ |
taccakravartipadavīpraṇayaḥ sa ēṣaḥ
tvatpādapaṅkajarajaḥ kaṇajaḥ prasādaḥ || 6 ||
tvatpādapaṅkajaraja praṇipātapūrvaiḥ
puṇyairanalpamatibhiḥ kr̥tibhiḥ kavīndraiḥ |
kṣīrakṣapākaradukūlahimāvadātā
kairapyavāpi bhuvanatritayē:’pi kīrtiḥ || 7 ||
kalpadrumaprasavakalpitacitrapūjāṁ
uddīpita priyatamāmadaraktagītim |
nityaṁ bhavāni bhavatīmupavīṇayanti
vidyādharāḥ kanakaśailaguhāgr̥hēṣu || 8 ||
lakṣmīvaśīkaraṇakarmaṇi kāminīnāṁ
ākarṣaṇavyatikarēṣu ca siddhamantraḥ |
nīrandhramōhatimiracchidurapradīpō
dēvi tvadaṅghrijanitō jayati prasādaḥ || 9 ||
dēvi tvadaṅghrinakharatnabhuvō mayūkhāḥ
pratyagramauktikarucō mudamudvahanti |
sēvānativyatikarē surasundarīṇāṁ
sīmantasīmni kusumastabakāyitaṁ yaiḥ || 10 ||
mūrdhni sphurattuhinadīdhitidīptidīptaṁ
madhyē lalāṭamamarāyudharaśmicitram |
hr̥ccakracumbi hutabhukkaṇikānukāri
jyōtiryadētadidamamba tava svarūpam || 11 ||
rūpaṁ tava sphuritacandramarīcigauraṁ
ālōkatē śirasi vāgadhidaivataṁ yaḥ |
niḥsīmasūktiracanāmr̥tanirjharasya
tasya prasādamadhurāḥ prasaranti vācaḥ || 12 ||
sindūrapāṁsupaṭalacchuritāmiva dyāṁ
tvattējasā jaturasasnapitāmivōrvīm |
yaḥ paśyati kṣaṇamapi tripurē vihāya
vrīḍāṁ mr̥ḍāni sudr̥śastamanudravanti || 13 ||
mātarmuhūrtamapi yaḥ smarati svarūpaṁ
lākṣārasaprasaratantunibhaṁ bhavatyāḥ |
dhyāyantyananyamanasastamanaṅgataptāḥ
pradyumnasīmni subhagatvaguṇaṁ taruṇyaḥ || 14 ||
yō:’yaṁ cakāsti gaganārṇavaratnaminduḥ
yō:’yaṁ surāsuraguruḥ puruṣaḥ purāṇaḥ |
yadvāmamardhamidamandhakasūdanasya
dēvi tvamēva taditi pratipādayanti || 15 ||
icchānurūpamanurūpaguṇaprakarṣa
saṅkarṣiṇi tvamabhimr̥śya yadā bibharṣi |
jāyēta sa tribhuvanaika gurustadānīṁ
dēvaḥ śivō:’pi bhuvanatrayasūtradhāraḥ || 16 ||
dhyātāsi haimavati yēna himāṁśuraśmi-
-mālāmaladyutirakalmaṣamānasēna |
tasyāvilambamanavadyamanantakalpaṁ
alpairdinaiḥ sr̥jasi sundari vāgvilāsam || 17 ||
ādhāramārutanirōdhavaśēna yēṣāṁ
sindūrarañjitasarōjaguṇānukāri |
dīptaṁ hr̥di sphurati dēvi vapustvadīyaṁ
dhyāyanti tāniha samīhitasiddhisārthāḥ || 18 ||
yē cintayantyaruṇamaṇḍalamadhyavarti
rūpaṁ tavāmba navayāvakapaṅkapiṅgam |
tēṣāṁ sadaiva kusumāyudhabāṇabhinna-
-vakṣaḥsthalā mr̥gadr̥śō vaśagā bhavanti || 19 ||
tvāmaindavīmiva kalāmanuphāladēśaṁ
udbhāsitāmbaratalāmavalōkayantaḥ |
sadyō bhavāni sudhiyaḥ kavayō bhavanti
tvaṁ bhāvanāhitadhiyāṁ kulakāmadhēnuḥ || 20 ||
śarvāṇi sarvajanavanditapādapadmē
padmacchadadyutiviḍambitanētralakṣmi |
niṣpāpamūrtijanamānasarājahaṁsi
haṁsi tvamāpadamanēkavidhāṁ janasya || 21 ||
uttaptahēmarucirē tripurē punīhi
cētaścirantanamaghaughavanaṁ lunīhi |
kārāgr̥hē nigalabandhanayantritasya
tvatsaṁsmr̥tau jhaṭiti mē nigalāstruṭanti || 22 ||
tvāṁ vyāpinīti sumanā iti kuṇḍalīti
tvāṁ kāminīti kamalēti kalāvatīti |
tvāṁ mālinīti lalitētyaparājitēti
dēvi stuvanti vijayēti jayētyumēti || 23 ||
uddāmakāmaparamārthasarōjakhaṇḍa-
caṇḍadyutidyutimapāsitaṣaḍvikārām |
mōhadvipēndrakadanōdyatabōdhasiṁha-
-līlāguhāṁ bhagavatīṁ tripurāṁ namāmi || 24 ||
gaṇēśavaṭukastutā ratisahāyakāmānvitā
smarārivaraviṣṭarā kusumabāṇabāṇairyutā |
anaṅgakusumādibhiḥ parivr̥tā ca siddhaistribhiḥ
kadambavanamadhyagā tripurasundarī pātu naḥ || 25 ||
rudrāṇi vidrumamayīṁ pratimāmiva tvāṁ
yē cintayantyaruṇakāntimananyarūpām |
tānētya pakṣmaladr̥śaḥ prasabhaṁ bhajantē
kaṇṭhāvasaktamr̥dubāhulatāstaruṇyaḥ || 26 ||
tvadrūpaikanirūpaṇapraṇayitābandhō dr̥śōstvadguṇa-
-grāmākarṇanarāgitā śravaṇayōstvatsaṁsmr̥tiścētasi |
tvatpādārcanacāturī karayugē tvatkīrtitaṁ vāci mē
kutrāpi tvadupāsanavyasanitā mē dēvi mā śāmyatu || 27 ||
tvadrūpamullasitadāḍimapuṣparaktaṁ
udbhāvayēnmadanadaivatamakṣaraṁ yaḥ |
taṁ rūpahīnamapi manmathanirviśēṣaṁ
ālōkayantyurunitambataṭāstaruṇyaḥ || 28 ||
brahmēndrarudraharicandrasahasraraśmi-
-skandadvipānanahutāśanavanditāyai |
vāgīśvari tribhuvanēśvari viśvamātaḥ
antarbahiśca kr̥tasaṁsthitayē namastē || 29 ||
kastōtramētadanuvāsaramīśvarāyāḥ
śrēyaskaraṁ paṭhati vā yadi vā śr̥ṇōti |
tasyēpsitaṁ phalati rājabhirīḍyatē:’sau
jāyēta sa priyatamō madirēkṣaṇānām || 30 ||
iti śrīkālidāsa viracita pañcastavyāṁ dvitīyaḥ carcāstavaḥ |
