శ్రీ గౌరీ నవరత్నమాలికా స్తవః
వాణీం జితశుకవాణీ మళికులవేణీం భవాంబుధిద్రోణిం |
వీణాశుకశిశుపాణిం నతగీర్వాణీం నమామి శర్వాణీమ్ || ౧ ||
కువలయదళనీలాంగీం కువలయరక్షైకదీక్షితాపాంగీమ్ |
లోచనవిజితకురంగీం మాతంగీం నౌమి శంకరార్ధాంగీమ్ || ౨ ||
కమలాం కమలజకాంతాం కలసారసదత్తకాంతకరకమలాం |
కరయుగళవిధృతకమలాం విమలాంకమలాంకచూడసకలకలామ్ || ౩ ||
సుందరహిమకరవదనాం కుందసురదనాం ముకుందనిధిసదనాం |
కరుణోజ్జీవితమదనాం సురకుశలాయాసురేషు కృతదమనామ్ ||౪ ||
అరుణాధరజితబింబాం జగదంబాం గమనవిజితకాదంబాం |
పాలితసుతజనకదంబాం పృథులనితంబాం భజే సహేరంబామ్ || ౫ ||
శరణాగతజనభరణాం కరుణావరుణాలయాబ్జచరణాం |
మణిమయదివ్యాభరణాం చరణాంభోజాతసేవకోద్ధరణామ్ || ౬ ||
తుఙ్గస్తనజితకుంభాం కృతపరిరంభాం శివేన గుహడింభాం |
దారితశుంభనిశుంభాం నర్తితరంభాం పురో విగతదంభామ్ || ౭ ||
నతజనరక్షాదీక్షాం దక్షాం ప్రత్యక్షదైవతాధ్యక్షామ్ |
వాహీకృతహర్యక్షాం క్షపితవిపక్షాం సురేషు కృతరక్షామ్ || ౮ ||
ధన్యాం సురవరమాన్యాం హిమగిరికన్యాంత్రిలోకమూర్ధన్యాం |
విహృతసురద్రుమవన్యాం వేద్మి వినా త్వాంనదేవతామన్యామ్ || ౯ ||
ఏతాం నవమణిమాలాం పఠంతి భక్త్యేహా యే పరాశక్త్యా |
తేషాం వదనే సదనే నృత్యతి వాణీ రమా చ పరమముదా || ౧౦ ||
Sri Gauri Navaratnamalika Stava
vāṇīṁ jitaśukavāṇīmalikulavēṇīṁ bhavāmbudhidrōṇiṁ |
vīṇāśukaśiśupāṇiṁ natagīrvāṇīṁ namāmi śarvāṇīm || 1 ||
kuvalayadalanīlāṅgīṁ kuvalayarakṣaikadīkṣitāpāṅgīm |
lōcanavijitakuraṅgīṁ mātaṅgīṁ nōm̐i śaṅkarārdhāṅgīm || 2 ||
kamalāṁ kamalajakāntāṁ kalasārasadattakāntakarakamalāṁ |
karayugalavidhr̥takamalāṁ vimalāṅkamalāṅkacūḍasakalakalām || 3 ||
sundarahimakaravadanāṁ kundasuradanāṁ mukundanidhisadanāṁ |
karuṇōjjīvitamadanāṁ surakuśalāyāsurēṣu kr̥tadamanām || 4 ||
aruṇādharajitabimbāṁ jagadambāṁ gamanavijitakādambāṁ |
pālitasutajanakadambāṁ pr̥thulanitambāṁ bhajē sahērambām || 5 ||
śaraṇāgatajanabharaṇāṁ karuṇāvaruṇālayābjacaraṇāṁ |
maṇimayadivyābharaṇāṁ caraṇāmbhōjātasēvakōddharaṇām || 6 ||
tuṅgastanajitakumbhāṁ kr̥taparirambhāṁ śivēna guhaḍiṁbhāṁ |
dāritaśumbhaniśumbhāṁ nartitarambhāṁ purō vigatadambhām || 7 ||
natajanarakṣādīkṣāṁ dakṣāṁ pratyakṣadaivatādhyakṣām |
vāhīkr̥taharyakṣāṁ kṣapitavipakṣāṁ surēṣu kr̥tarakṣām || 8 ||
dhanyāṁ suravaramānyāṁ himagirikanyāntrilōkamūrdhanyāṁ |
vihr̥tasuradrumavanyāṁ vēdmi vinā tvāṁnadēvatāmanyām || 9 ||
ētāṁ navamaṇimālāṁ paṭhanti bhaktyēhā yē parāśaktyā |
tēṣāṁ vadanē sadanē nr̥tyati vāṇī ramā ca paramamudā || 10 ||
