మంత్రాలు & శ్లోకాలు | శ్రీ భగవద్గీత శ్లోకాలు
శ్రీ గీతా మాహాత్మ్యం
ధరోవాచ –
భగవన్పరేమేశాన భక్తిరవ్యభిచారిణీ |
ప్రారబ్ధం భుజ్యమానస్య కథం భవతి హే ప్రభో || ౧ ||
శ్రీ విష్ణురువాచ –
ప్రారబ్ధం భుజ్యమానో హి గీతాభ్యాసరతః సదా |
స ముక్తః స సుఖీ లోకే కర్మణా నోపలిప్యతే || ౨ ||
మహాపాపాతిపాపాని గీతాధ్యానం కరోతి చేత్ |
క్వచిత్స్పర్శం న కుర్వంతి నలినీదలమంబువత్ || ౩ ||
గీతాయాః పుస్తకం యత్ర యత్ర పాఠః ప్రవర్తతే |
తత్ర సర్వాణి తీర్థాని ప్రయాగాదీని తత్ర వై || ౪ ||
సర్వే దేవాశ్చ ఋషయో యోగినః పన్నగాశ్చ యే |
గోపాల గోపికా వాపి నారదోద్ధవపార్షదైః || ౫ ||
సహాయో జాయతే శీఘ్రం యత్ర గీతా ప్రవర్తతే |
యత్ర గీతావిచారశ్చ పఠనం పాఠనం శృతమ్ |
తత్రాహం నిశ్చితం పృథ్వి నివసామి సదైవ హి || ౬ ||
గీతాశ్రయోఽహం తిష్ఠామి గీతా మే చోత్తమం గృహమ్ |
గీతాజ్ఞానముపాశ్రిత్య త్రీన్లోకాన్పాలయామ్యహమ్ || ౭ ||
గీతా మే పరమా విద్యా బ్రహ్మరూపా న సంశయః |
అర్ధమాత్రాక్షరా నిత్యా సానిర్వాచ్యపదాత్మికా || ౮ ||
చిదానందేన కృష్ణేన ప్రోక్తా స్వముఖతోఽర్జునమ్ |
వేదత్రయీ పరానందా తత్త్వార్థజ్ఞానసంయుతా || ౯ ||
యోఽష్టాదశజపో నిత్యం నరో నిశ్చలమానసః |
జ్ఞానసిద్ధిం స లభతే తతో యాతి పరాం పదమ్ || ౧౦ ||
పాఠేఽసమర్థః సంపూర్ణే తతోఽర్ధం పాఠమాచరేత్ |
తదా గోదానజం పుణ్యం లభతే నాత్ర సంశయః || ౧౧ ||
త్రిభాగం పఠమానస్తు గంగాస్నానఫలం లభేత్ |
షడంశం జపమానస్తు సోమయాగఫలం లభేత్ || ౧౨ ||
ఏకాధ్యాయం తు యో నిత్యం పఠతే భక్తిసంయుతః |
రుద్రలోకమవాప్నోతి గణో భూత్వా వసేచ్చిరమ్ || ౧౩ ||
అధ్యాయం శ్లోకపాదం వా నిత్యం యః పఠతే నరః |
స యాతి నరతాం యావన్మన్వంతరం వసుంధరే || ౧౪ ||
గీతాయాః శ్లోకదశకం సప్త పంచ చతుష్టయమ్ |
ద్వౌ త్రీనేకం తదర్ధం వా శ్లోకానాం యః పఠేన్నరః || ౧౫ ||
చంద్రలోకమవాప్నోతి వర్షాణామయుతం ధ్రువమ్ |
గీతాపాఠసమాయుక్తో మృతో మానుషతాం వ్రజేత్ || ౧౬ ||
గీతాభ్యాసం పునః కృత్వా లభతే ముక్తిముత్తమామ్ |
గీతేత్యుచ్చారసంయుక్తో మ్రియమాణో గతిం లభేత్ || ౧౭ ||
గీతార్థశ్రవణాసక్తో మహాపాపయుతోఽపి వా |
వైకుంఠం సమవాప్నోతి విష్ణునా సహ మోదతే || ౧౮ ||
గీతార్థం ధ్యాయతే నిత్యం కృత్వా కర్మాణి భూరిశః |
జీవన్ముక్తః స విజ్ఞేయో దేహాంతే పరమం పదమ్ || ౧౯ ||
గీతామాశ్రిత్య బహవో భూభుజో జనకాదయః |
నిర్ధూతకల్మషా లోకే గీతాయాతాః పరం పదమ్ || ౨౦ ||
గీతాయాః పఠనం కృత్వా మాహాత్మ్యం నైవ యః పఠేత్ |
వృథా పాఠో భవేత్తస్య శ్రమ ఏవ హ్యుదాహృతః || ౨౧ ||
ఏతన్మాహాత్మ్యసంయుక్తం గీతాభ్యాసం కరోతి యః |
స తత్ఫలమవాప్నోతి దుర్లభాం గతిమాప్నుయాత్ || ౨౨ ||
సూత ఉవాచ –
మాహాత్మ్యమేతద్గీతాయా మయా ప్రోక్త సనాతనమ్ |
గీతాంతే చ పఠేద్యస్తు యదుక్తం తత్ఫలం లభేత్ || ౨౩ ||
ఇతి శ్రీవరాహపురాణే శ్రీగీతామాహాత్మ్యం సంపూర్ణమ్ ||
మంత్రాలు & శ్లోకాలు | శ్రీ భగవద్గీత శ్లోకాలు
Srimad Bhagavadgita Mahathmyam
dharōvāca –
bhagavanparēmēśāna bhaktiravyabhicāriṇī |
prārabdhaṁ bhujyamānasya kathaṁ bhavati hē prabhō || 1 ||
śrī viṣṇuruvāca –
prārabdhaṁ bhujyamānō hi gītābhyāsarataḥ sadā |
sa muktaḥ sa sukhī lōkē karmaṇā nōpalipyatē || 2 ||
mahāpāpātipāpāni gītādhyānam karōti cēt |
kvacitsparśaṁ na kurvanti nalinīdalamambuvat || 3 ||
gītāyāḥ pustakaṁ yatra yatra pāṭhaḥ pravartatē |
tatra sarvāṇi tīrthāni prayāgādīni tatra vai || 4 ||
sarvē dēvāśca r̥ṣayō yōginaḥ pannagāśca yē |
gōpāla gōpikā vāpi nāradōddhavapārṣadaiḥ || 5 ||
sahāyō jāyatē śīghraṁ yatra gītā pravartatē |
yatra gītāvicāraśca paṭhanaṁ pāṭhanaṁ śr̥tam |
tatrāhaṁ niścitaṁ pr̥thvi nivasāmi sadaiva hi || 6 ||
gītāśrayō:’haṁ tiṣṭhāmi gītā mē cōttamaṁ gr̥ham |
gītājñānamupāśritya trīnlōkānpālayāmyaham || 7 ||
gītā mē paramā vidyā brahmarūpā na saṁśayaḥ |
ardhamātrākṣarā nityā sānirvācyapadātmikā || 8 ||
cidānandēna kr̥ṣṇēna prōktā svamukhatō:’rjunam |
vēdatrayī parānandā tattvārthajñānasamyutā || 9 ||
yō:’ṣṭādaśajapō nityaṁ narō niścalamānasaḥ |
jñānasiddhiṁ sa labhatē tatō yāti parāṁ padam || 10 ||
pāṭhē:’samarthaḥ sampūrṇē tatō:’rdhaṁ pāṭhamācarēt |
tadā gōdānajaṁ puṇyaṁ labhatē nātra saṁśayaḥ || 11 ||
tribhāgaṁ paṭhamānastu gaṅgāsnānaphalaṁ labhēt |
ṣaḍaṁśaṁ japamānastu sōmayāgaphalaṁ labhēt || 12 ||
ēkādhyāyaṁ tu yō nityaṁ paṭhatē bhaktisamyutaḥ |
rudralōkamavāpnōti gaṇō bhūtvā vasēcciram || 13 ||
adhyāyaṁ ślōkapādaṁ vā nityaṁ yaḥ paṭhatē naraḥ |
sa yāti naratāṁ yāvanmanvantaraṁ vasundharē || 14 ||
gītāyāḥ ślōkadaśakaṁ sapta pañca catuṣṭayam |
dvau trīnēkaṁ tadardhaṁ vā ślōkānāṁ yaḥ paṭhēnnaraḥ || 15 ||
candralōkamavāpnōti varṣāṇāmayutaṁ dhruvam |
gītāpāṭhasamāyuktō mr̥tō mānuṣatāṁ vrajēt || 16 ||
gītābhyāsaṁ punaḥ kr̥tvā labhatē muktimuttamām |
gītētyuccārasamyuktō mriyamāṇō gatiṁ labhēt || 17 ||
gītārthaśravaṇāsaktō mahāpāpayutō:’pi vā |
vaikuṇṭhaṁ samavāpnōti viṣṇunā saha mōdatē || 18 ||
gītārthaṁ dhyāyatē nityaṁ kr̥tvā karmāṇi bhūriśaḥ |
jīvanmuktaḥ sa vijñēyō dēhāntē paramaṁ padam || 19 ||
gītāmāśritya bahavō bhūbhujō janakādayaḥ |
nirdhūtakalmaṣā lōkē gītāyātāḥ paraṁ padam || 20 ||
gītāyāḥ paṭhanaṁ kr̥tvā māhātmyaṁ naiva yaḥ paṭhēt |
vr̥thā pāṭhō bhavēttasya śrama ēva hyudāhr̥taḥ || 21 ||
ētanmāhātmyasamyuktaṁ gītābhyāsaṁ karōti yaḥ |
sa tatphalamavāpnōti durlabhāṁ gatimāpnuyāt || 22 ||
sūta uvāca –
māhātmyamētadgītāyā mayā prōkta sanātanam |
gītāntē ca paṭhēdyastu yaduktaṁ tatphalaṁ labhēt || 23 ||
iti śrīvārāhapurāṇē śrīgītāmāhātmyaṁ sampūrṇam ||
