మంత్రాలు & శ్లోకాలు | శ్రీ భగవద్గీత శ్లోకాలు
శ్రీ గీతా ధ్యానం
పార్థాయ ప్రతిబోధితాం భగవతా నారాయణేన స్వయం
వ్యాసేన గ్రథితాం పురాణమునినా మధ్యే మహాభారతమ్ |
అద్వైతామృతవర్షిణీం భగవతీమష్టాదశాధ్యాయినీం
అంబ త్వామనుసందధామి భగవద్గీతే భవద్వేషిణీమ్ || ౧ ||
నమోఽస్తు తే వ్యాస విశాలబుద్ధే
ఫుల్లారవిందాయతపత్రనేత్ర |
యేన త్వయా భారతతైలపూర్ణః
ప్రజ్వాలితో జ్ఞానమయః ప్రదీపః || ౨ ||
ప్రపన్నపారిజాతాయతోత్రవేత్రైకపాణయే |
జ్ఞానముద్రాయ కృష్ణాయ గీతామృతదుహే నమః || ౩ ||
సర్వోపనిషదో గావో దోగ్ధా గోపాలనందనః |
పార్థో వత్సః సుధీర్భోక్తా దుగ్ధం గీతామృతం మహత్ || ౪ ||
వసుదేవసుతం దేవం కంసచాణూరమర్దనమ్ |
దేవకీపరమానందం కృష్ణం వందే జగద్గురుమ్ || ౫ ||
భీష్మద్రోణతటా జయద్రథజలా గాంధారనీలోత్పలా
శల్యగ్రాహవతీ కృపేణ వహనీ కర్ణేన వేలాకులా |
అశ్వత్థామవికర్ణఘోరమకరా దుర్యోధనావర్తినీ
సోత్తీర్ణా ఖలు పాండవైః రణనదీ కైవర్తకః కేశవః || ౬ ||
పారాశర్యవచః సరోజమమలం గీతార్థగంధోత్కటం
నానాఖ్యానకకేసరం హరికథాసంబోధనాబోధితమ్ |
లోకే సజ్జనషట్పదైరహరహః పేపీయమానం ముదా
భూయాద్భారతపంకజం కలిమలప్రధ్వంసి నః శ్రేయసే || ౭ ||
మూకం కరోతి వాచాలం పంగుం లంఘయతే గిరిమ్ |
యత్కృపా తమహం వందే పరమానందమాధవమ్ || ౮ ||
యం బ్రహ్మా వరుణేంద్రరుద్రమరుతః స్తున్వంతి దివ్యైః స్తవైః
వేదైః సాంగపదక్రమోపనిషదైర్గాయంతి యం సామగాః |
ధ్యానావస్థితతద్గతేన మనసా పశ్యంతి యం యోగినో
యస్యాంతం న విదుః సురాసురగణా దేవాయ తస్మై నమః || ౯ ||
మంత్రాలు & శ్లోకాలు | శ్రీ భగవద్గీత శ్లోకాలు
Bhagavad gita Dhyanam
pārthāya pratibōdhitāṁ bhagavatā nārāyaṇēna svayaṁ
vyāsēna grathitāṁ purāṇamuninā madhyē mahābhāratam |
advaitāmr̥tavarṣiṇīṁ bhagavatīmaṣṭādaśādhyāyinīṁ
amba tvāmanusandadhāmi bhagavadgītē bhavadvēṣiṇīm || 1 ||
namō:’stu tē vyāsa viśālabuddhē
phullāravindāyatapatranētra |
yēna tvayā bhāratatailapūrṇaḥ
prajvālitō jñānamayaḥ pradīpaḥ || 2 ||
prapannapārijātāyatōtravētraikapāṇayē |
jñānamudrāya kr̥ṣṇāya gītāmr̥taduhē namaḥ || 3 ||
sarvōpaniṣadō gāvō dōgdhā gōpālanandanaḥ |
pārthō vatsaḥ sudhīrbhōktā dugdhaṁ gītāmr̥taṁ mahat || 4 ||
vasudēvasutaṁ dēvaṁ kaṁsacāṇūramardanam |
dēvakīparamānandaṁ kr̥ṣṇaṁ vandē jagadgurum || 5 ||
bhīṣmadrōṇataṭā jayadrathajalā gāndhāranīlōtpalā
śalyagrāhavatī kr̥pēṇa vahanī karṇēna vēlākulā |
aśvatthāmavikarṇaghōramakarā duryōdhanāvartinī
sōttīrṇā khalu pāṇḍavaiḥ raṇanadī kaivartakaḥ kēśavaḥ || 6 ||
pārāśaryavacaḥ sarōjamamalaṁ gītārthagandhōtkaṭaṁ
nānākhyānakakēsaraṁ harikathāsambōdhanābōdhitam |
lōkē sajjanaṣaṭpadairaharahaḥ pēpīyamānaṁ mudā
bhūyādbhāratapaṅkajaṁ kalimalapradhvaṁsi naḥ śrēyasē || 7 ||
mūkaṁ karōti vācālaṁ paṅguṁ laṅghayatē girim |
yatkr̥pā tamahaṁ vandē paramānandamādhavam || 8 ||
yaṁ brahmā varuṇēndrarudramarutaḥ stunvanti divyaiḥ stavaiḥ
vēdaiḥ sāṅgapadakramōpaniṣadairgāyanti yaṁ sāmagāḥ |
dhyānāvasthitatadgatēna manasā paśyanti yaṁ yōginō
yasyāntaṁ na viduḥ surāsuragaṇā dēvāya tasmai namaḥ || 9 ||
