పంచస్తవి – 4 అంబాస్తవః స్తోత్రం Panchastavi 4 Amba Stavain telugu lo Panchastavi 4 Amba Stava telugu pdf download అవసరం లేకుండా Panchastavi 4 Amba Stava lyrics నేరుగా భక్తులు ఇన్ తెలుగులో పారాయణం చెయ్యండి.
పంచస్తవి – 4 అంబాస్తవః
యామామనంతి మునయః ప్రకృతిం పురాణీం
విద్యేతి యాం శ్రుతిరహస్యవిదో వదంతి |
తామర్ధపల్లవితశంకరరూపముద్రాం
దేవీమనన్యశరణః శరణం ప్రపద్యే || ౧ ||
అంబ స్తవేషు తవ తావదకర్తృకాణి
కుంఠీభవంతి వచసామపి గుంభనాని |
డింభస్య మే స్తుతిరసావసమంజసాపి
వాత్సల్యనిఘ్నహృదయాం భవతీం ధినోతు || ౨ ||
వ్యోమేతి బిందురితి నాద ఇతీందులేఖా-
-రూపేతి వాగ్భవతనూరితి మాతృకేతి |
నిఃస్యందమానసుఖబోధసుధాస్వరూపా
విద్యోతసే మనసి భాగ్యవతాం జనానామ్ || ౩ ||
ఆవిర్భవత్పులకసంతతిభిః శరీరై-
-ర్నిఃస్యందమానసలిలైర్నయనైశ్చ నిత్యమ్ |
వాగ్భిశ్చ గద్గదపదాభిరుపాసతే యే
పాదౌ తవాంబ భువనేషు త ఏవ ధన్యాః || ౪ ||
వక్త్రం యదుద్యతమభిష్టుతయే భవత్యా-
-స్తుభ్యం నమో యదపి దేవి శిరః కరోతి |
చేతశ్చ యత్త్వయి పరాయణమంబ తాని
కస్యాపి కైరపి భవంతి తపోవిశేషైః || ౫ ||
మూలాలవాలకుహరాదుదితా భవాని
నిర్భిద్య షట్సరసిజాని తటిల్లతేవ |
భూయోఽపి తత్ర విశసి ధ్రువమండలేందు-
-నిఃస్యందమానపరమామృతతోయరూపా || ౬ ||
దగ్ధం యదా మదనమేకమనేకధా తే
ముగ్ధః కటాక్షవిధిరంకురయాంచకార |
ధత్తే తదాప్రభృతి దేవి లలాటనేత్రం
సత్యం హ్రియైవ ముకులీకృతమిందుమౌలేః || ౭ ||
అజ్ఞాతసంభవమనాకలితాన్వవాయం
భిక్షుం కపాలినమవాససమద్వితీయమ్ |
పూర్వం కరగ్రహణమంగలతో భవత్యాః
శంభుం క ఏవ బుబుధే గిరిరాజకన్యే || ౮ ||
చర్మాంబరం చ శవభస్మవిలేపనం చ
భిక్షాటనం చ నటనం చ పరేతభూమౌ |
వేతాలసంహతిపరిగ్రహతా చ శంభోః
శోభాం బిభర్తి గిరిజే తవ సాహచర్యాత్ || ౯ ||
కల్పోపసంహరణకేలిషు పండితాని
చండాని ఖండపరశోరపి తాండవాని |
ఆలోకనేన తవ కోమలితాని మాత-
-ర్లాస్యాత్మనా పరిణమంతి జగద్విభూత్యై || ౧౦ ||
జంతోరపశ్చిమతనోః సతి కర్మసామ్యే
నిఃశేషపాశపటలచ్ఛిదురా నిమేషాత్ |
కల్యాణి దేశికకటాక్షసమాశ్రయేణ
కారుణ్యతో భవతి శాంభవవేదదీక్షా || ౧౧ ||
ముక్తావిభూషణవతీ నవవిద్రుమాభా
యచ్చేతసి స్ఫురసి తారకితేవ సంధ్యా |
ఏకః స ఏవ భువనత్రయసుందరీణాం
కందర్పతాం వ్రజతి పంచశరీం వినాపి || ౧౨ ||
యే భావయంత్యమృతవాహిభిరంశుజాలై-
-రాప్యాయమానభువనామమృతేశ్వరీం త్వామ్ |
తే లంఘయంతి నను మాతరలంఘనీయాం
బ్రహ్మాదిభిః సురవరైరపి కాలకక్షామ్ || ౧౩ ||
యః స్ఫాటికాక్షగుణపుస్తకకుండికాఢ్యాం
వ్యాఖ్యాసముద్యతకరాం శరదిందుశుభ్రామ్ |
పద్మాసనాం చ హృదయే భవతీముపాస్తే
మాతః స విశ్వకవితార్కికచక్రవర్తీ || ౧౪ ||
బర్హావతంసయుతబర్బరకేశపాశాం
గుంజావలీకృతఘనస్తనహారశోభామ్ |
శ్యామాం ప్రవాలవదనాం సుకుమారహస్తాం
త్వామేవ నౌమి శబరీం శబరస్య జాయామ్ || ౧౫ ||
అర్ధేన కిం నవలతాలలితేన ముగ్ధే
క్రీతం విభోః పరుషమర్ధమిదం త్వయేతి |
ఆలీజనస్య పరిహాసవచాంసి మన్యే
మందస్మితేన తవ దేవి జడీ భవంతి || ౧౬ ||
బ్రహ్మాండ బుద్బుదకదంబకసంకులోఽయం
మాయోదధిర్వివిధదుఃఖతరంగమాలః |
ఆశ్చర్యమంబ ఝటితి ప్రలయం ప్రయాతి
త్వద్ధ్యానసంతతిమహాబడబాముఖాగ్నౌ || ౧౭ ||
దాక్షాయణీతి కుటిలేతి కుహారిణీతి
కాత్యాయనీతి కమలేతి కలావతీతి |
ఏకా సతీ భగవతీ పరమార్థతోఽపి
సందృశ్యసే బహువిధా నను నర్తకీవ || ౧౮ ||
ఆనందలక్షణమనాహతనామ్ని దేశే
నాదాత్మనా పరిణతం తవ రూపమీశే |
ప్రత్యఙ్ముఖేన మనసా పరిచీయమానం
శంసంతి నేత్రసలిలైః పులకైశ్చ ధన్యాః || ౧౯ ||
త్వం చంద్రికా శశిని తిగ్మరుచౌ రుచిస్త్వం
త్వం చేతనాసి పురుషే పవనే బలం త్వమ్ |
త్వం స్వాదుతాసి సలిలే శిఖిని త్వమూష్మా
నిఃసారమేవ నిఖిలం త్వదృతే యది స్యాత్ || ౨౦ ||
జ్యోతీంషి యద్దివి చరంతి యదంతరిక్షం
సూతే పయాంసి యదహిర్ధరణీం చ ధత్తే |
యద్వాతి వాయురనలో యదుదర్చిరాస్తే
తత్సర్వమంబ తవ కేవలమాజ్ఞయైవ || ౨౧ ||
సంకోచమిచ్ఛసి యదా గిరిజే తదానీం
వాక్తర్కయోస్త్వమసి భూమిరనామరూపా |
యద్వా వికాసముపయాసి యదా తదానీం
త్వన్నామరూపగణనాః సుకరా భవంతి || ౨౨ ||
భోగాయ దేవి భవతీం కృతినః ప్రణమ్య
భ్రూకింకరీకృతసరోజగృహాః సహస్రమ్ |
చింతామణిప్రచయకల్పితకేలిశైలే
కల్పద్రుమోపవన ఏవ చిరం రమంతే || ౨౩ ||
హర్తుం త్వమేవ భవసి త్వదధీనమీశే
సంసారతాపమఖిలం దయయా పశూనామ్ |
వైకర్తనీ కిరణసంహతిరేవ శక్తా
ధర్మం నిజం శమయితుం నిజయైవ వృష్ట్యా || ౨౪ ||
శక్తిః శరీరమధిదైవతమంతరాత్మా
జ్ఞానం క్రియా కరణమాసనజాలమిచ్ఛా |
ఐశ్వర్యమాయతనమావరణాని చ త్వం
కిం తన్న యద్భవసి దేవి శశాంకమౌలేః || ౨౫ ||
భూమౌ నివృత్తిరుదితా పయసి ప్రతిష్ఠా
విద్యాఽనలే మరుతి శాంతిరతీవకాంతిః |
వ్యోమ్నీతి యాః కిల కలాః కలయంతి విశ్వం
తాసాం హి దూరతరమంబ పదం త్వదీయమ్ || ౨౬ ||
యావత్పదం పదసరోజయుగం త్వదీయం
నాంగీకరోతి హృదయేషు జగచ్ఛరణ్యే |
తావద్వికల్పజటిలాః కుటిలప్రకారా-
-స్తర్కగ్రహాః సమయినాం ప్రలయం న యాంతి || ౨౭ ||
నిర్దేవయానపితృయానవిహారమేకే
కృత్వా మనః కరణమండలసార్వభౌమమ్ |
ధ్యానే నివేశ్య తవ కారణపంచకస్య
పర్వాణి పార్వతి నయంతి నిజాసనత్వమ్ || ౨౮ ||
స్థూలాసు మూర్తిషు మహీప్రముఖాసు మూర్తేః
కస్యాశ్చనాపి తవ వైభవమంబ యస్యాః |
పత్యా గిరామపి న శక్యత ఏవ వక్తుం
సాపి స్తుతా కిల మయేతి తితిక్షితవ్యమ్ || ౨౯ ||
కాలాగ్నికోటిరుచిమంబ షడధ్వశుద్ధౌ
ఆప్లావనేషు భవతీమమృతౌఘవృష్టిమ్ |
శ్యామాం ఘనస్తనతటాం శకలీకృతాఘాం
ధ్యాయంత ఏవ జగతాం గురవో భవంతి || ౩౦ ||
విద్యాం పరాం కతిచిదంబరమంబ కేచి-
-దానందమేవ కతిచిత్కతిచిచ్చ మాయామ్ |
త్వాం విశ్వమాహురపరే వయమామనామః
సాక్షాదపారకరుణాం గురుమూర్తిమేవ || ౩౧ ||
కువలయదలనీలం బర్బరస్నిగ్ధకేశం
పృథుతరకుచభారాక్రాంతకాంతావలగ్నమ్ |
కిమిహ బహుభిరుక్తైస్త్వత్స్వరూపం పరం నః
సకలజనని మాతః సంతతం సన్నిధత్తామ్ || ౩౨ ||
ఇతి శ్రీకాళిదాస విరచిత పంచస్తవ్యాం చతుర్థః అంబాస్తవః |
Panchastavi 4 Amba Stava
yāmāmananti munayaḥ prakr̥tiṁ purāṇīṁ
vidyēti yāṁ śrutirahasyavidō vadanti |
tāmardhapallavitaśaṅkararūpamudrāṁ
dēvīmananyaśaraṇaḥ śaraṇaṁ prapadyē || 1 ||
amba stavēṣu tava tāvadakartr̥kāṇi
kuṇṭhībhavanti vacasāmapi gumbhanāni |
ḍimbhasya mē stutirasāvasamañjasāpi
vātsalyanighnahr̥dayāṁ bhavatīṁ dhinōtu || 2 ||
vyōmēti binduriti nāda itīndulēkhā-
-rūpēti vāgbhavatanūriti mātr̥kēti |
niḥsyandamānasukhabōdhasudhāsvarūpā
vidyōtasē manasi bhāgyavatāṁ janānām || 3 ||
āvirbhavatpulakasantatibhiḥ śarīrai-
-rniḥsyandamānasalilairnayanaiśca nityam |
vāgbhiśca gadgadapadābhirupāsatē yē
pādau tavāmba bhuvanēṣu ta ēva dhanyāḥ || 4 ||
vaktraṁ yadudyatamabhiṣṭutayē bhavatyā-
-stubhyaṁ namō yadapi dēvi śiraḥ karōti |
cētaśca yattvayi parāyaṇamamba tāni
kasyāpi kairapi bhavanti tapōviśēṣaiḥ || 5 ||
mūlālavālakuharāduditā bhavāni
nirbhidya ṣaṭsarasijāni taṭillatēva |
bhūyō:’pi tatra viśasi dhruvamaṇḍalēndu-
-niḥsyandamānaparamāmr̥tatōyarūpā || 6 ||
dagdhaṁ yadā madanamēkamanēkadhā tē
mugdhaḥ kaṭākṣavidhiraṅkurayāñcakāra |
dhattē tadāprabhr̥ti dēvi lalāṭanētraṁ
satyaṁ hriyaiva mukulīkr̥tamindumaulēḥ || 7 ||
ajñātasambhavamanākalitānvavāyaṁ
bhikṣuṁ kapālinamavāsasamadvitīyam |
pūrvaṁ karagrahaṇamaṅgalatō bhavatyāḥ
śambhuṁ ka ēva bubudhē girirājakanyē || 8 ||
carmāmbaraṁ ca śavabhasmavilēpanaṁ ca
bhikṣāṭanaṁ ca naṭanaṁ ca parētabhūmau |
vētālasaṁhatiparigrahatā ca śambhōḥ
śōbhāṁ bibharti girijē tava sāhacaryāt || 9 ||
kalpōpasaṁharaṇakēliṣu paṇḍitāni
caṇḍāni khaṇḍaparaśōrapi tāṇḍavāni |
ālōkanēna tava kōmalitāni māta-
-rlāsyātmanā pariṇamanti jagadvibhūtyai || 10 ||
jantōrapaścimatanōḥ sati karmasāmyē
niḥśēṣapāśapaṭalacchidurā nimēṣāt |
kalyāṇi dēśikakaṭākṣasamāśrayēṇa
kāruṇyatō bhavati śāmbhavavēdadīkṣā || 11 ||
muktāvibhūṣaṇavatī navavidrumābhā
yaccētasi sphurasi tārakitēva sandhyā |
ēkaḥ sa ēva bhuvanatrayasundarīṇāṁ
kandarpatāṁ vrajati pañcaśarīṁ vināpi || 12 ||
yē bhāvayantyamr̥tavāhibhiraṁśujālai-
-rāpyāyamānabhuvanāmamr̥tēśvarīṁ tvām |
tē laṅghayanti nanu mātaralaṅghanīyāṁ
brahmādibhiḥ suravarairapi kālakakṣām || 13 ||
yaḥ sphāṭikākṣaguṇapustakakuṇḍikāḍhyāṁ
vyākhyāsamudyatakarāṁ śaradinduśubhrām |
padmāsanāṁ ca hr̥dayē bhavatīmupāstē
mātaḥ sa viśvakavitārkikacakravartī || 14 ||
barhāvataṁsayutabarbarakēśapāśāṁ
guñjāvalīkr̥taghanastanahāraśōbhām |
śyāmāṁ pravālavadanāṁ sukumārahastāṁ
tvāmēva naumi śabarīṁ śabarasya jāyām || 15 ||
ardhēna kiṁ navalatālalitēna mugdhē
krītaṁ vibhōḥ paruṣamardhamidaṁ tvayēti |
ālījanasya parihāsavacāṁsi manyē
mandasmitēna tava dēvi jaḍī bhavanti || 16 ||
brahmāṇḍa budbudakadambakasaṅkulō:’yaṁ
māyōdadhirvividhaduḥkhataraṅgamālaḥ |
āścaryamamba jhaṭiti pralayaṁ prayāti
tvaddhyānasantatimahābaḍabāmukhāgnau || 17 ||
dākṣāyaṇīti kuṭilēti kuhāriṇīti
kātyāyanīti kamalēti kalāvatīti |
ēkā satī bhagavatī paramārthatō:’pi
sandr̥śyasē bahuvidhā nanu nartakīva || 18 ||
ānandalakṣaṇamanāhatanāmni dēśē
nādātmanā pariṇataṁ tava rūpamīśē |
pratyaṅmukhēna manasā paricīyamānaṁ
śaṁsanti nētrasalilaiḥ pulakaiśca dhanyāḥ || 19 ||
tvaṁ candrikā śaśini tigmarucau rucistvaṁ
tvaṁ cētanāsi puruṣē pavanē balaṁ tvam |
tvaṁ svādutāsi salilē śikhini tvamūṣmā
niḥsāramēva nikhilaṁ tvadr̥tē yadi syāt || 20 ||
jyōtīṁṣi yaddivi caranti yadantarikṣaṁ
sūtē payāṁsi yadahirdharaṇīṁ ca dhattē |
yadvāti vāyuranalō yadudarcirāstē
tatsarvamamba tava kēvalamājñayaiva || 21 ||
saṅkōcamicchasi yadā girijē tadānīṁ
vāktarkayōstvamasi bhūmiranāmarūpā |
yadvā vikāsamupayāsi yadā tadānīṁ
tvannāmarūpagaṇanāḥ sukarā bhavanti || 22 ||
bhōgāya dēvi bhavatīṁ kr̥tinaḥ praṇamya
bhrūkiṅkarīkr̥tasarōjagr̥hāḥ sahasram |
cintāmaṇipracayakalpitakēliśailē
kalpadrumōpavana ēva ciraṁ ramantē || 23 ||
hartuṁ tvamēva bhavasi tvadadhīnamīśē
saṁsāratāpamakhilaṁ dayayā paśūnām |
vaikartanī kiraṇasaṁhatirēva śaktā
dharmaṁ nijaṁ śamayituṁ nijayaiva vr̥ṣṭyā || 24 ||
śaktiḥ śarīramadhidaivatamantarātmā
jñānaṁ kriyā karaṇamāsanajālamicchā |
aiśvaryamāyatanamāvaraṇāni ca tvaṁ
kiṁ tanna yadbhavasi dēvi śaśāṅkamaulēḥ || 25 ||
bhūmau nivr̥ttiruditā payasi pratiṣṭhā
vidyā:’nalē maruti śāntiratīvakāntiḥ |
vyōmnīti yāḥ kila kalāḥ kalayanti viśvaṁ
tāsāṁ hi dūrataramamba padaṁ tvadīyam || 26 ||
yāvatpadaṁ padasarōjayugaṁ tvadīyaṁ
nāṅgīkarōti hr̥dayēṣu jagaccharaṇyē |
tāvadvikalpajaṭilāḥ kuṭilaprakārā-
-starkagrahāḥ samayināṁ pralayaṁ na yānti || 27 ||
nirdēvayānapitr̥yānavihāramēkē
kr̥tvā manaḥ karaṇamaṇḍalasārvabhaumam |
dhyānē nivēśya tava kāraṇapañcakasya
parvāṇi pārvati nayanti nijāsanatvam || 28 ||
sthūlāsu mūrtiṣu mahīpramukhāsu mūrtēḥ
kasyāścanāpi tava vaibhavamamba yasyāḥ |
patyā girāmapi na śakyata ēva vaktuṁ
sāpi stutā kila mayēti titikṣitavyam || 29 ||
kālāgnikōṭirucimamba ṣaḍadhvaśuddhau
āplāvanēṣu bhavatīmamr̥taughavr̥ṣṭim |
śyāmāṁ ghanastanataṭāṁ śakalīkr̥tāghāṁ
dhyāyanta ēva jagatāṁ guravō bhavanti || 30 ||
vidyāṁ parāṁ katicidambaramamba kēci-
-dānandamēva katicitkaticicca māyām |
tvāṁ viśvamāhuraparē vayamāmanāmaḥ
sākṣādapārakaruṇāṁ gurumūrtimēva || 31 ||
kuvalayadalanīlaṁ barbarasnigdhakēśaṁ
pr̥thutarakucabhārākrāntakāntāvalagnam |
kimiha bahubhiruktaistvatsvarūpaṁ paraṁ naḥ
sakalajanani mātaḥ santataṁ sannidhattām || 32 ||
iti śrīkālidāsa viracita pañcastavyāṁ caturthaḥ ambāstavaḥ |
